Søka helse og omsorgstenester

Vi skal sikre lik tilgang på helse- og omsorgstenester for alle innbyggjarar, uavhengig av alder, tenestebehov og bustad.

Kven kan søkje?

For å søkje om tenester må du:

  • Bu eller opphalde deg i kommunen.
  • Ha behov for helse- og omsorgstenester.

Kva kan du søkja om?

Kommunen har ulike helse- og omsorgstenester. Du søkjer og vi gjer ei heilskapleg vurdering av kva hjelp som er mest hensiktsmessig for å dekke behovet ditt. Målet er å finne løysingar som bidreg til at du kan fungere best mogleg i daglege aktivitetar. 

Våre tenester

Ta kontakt med Tildelingskontoret om du har spørsmål.

Slik søkjer du

Send inn søknadsskjema digitalt eller på papir. 

Ved bruk av digitalt skjema må søkjar eller verge identifisera seg via ID-porten.

Søk om helse- og omsorgstenester

Søknad om helse og omsorgstenester (pdf)

Papirskjema kan sendast til: 

Ullensvang kommune v/Helse og omsorg
Avdeling for Forvaltning og koordinering 
Opheimsgata 31
5750 Odda

Om søknad

Skildre bakgrunnen for søknaden, dette kan til dømes vera: 

  • kva behov du har
  • kva hjelp du opplever at du treng
  • kva du meistrar sjølv
  • kva du har utfordringar med
  • kva tiltak som alt er prøvd ut  

Du kan leggje ved dokument; t.d. frå spesialist, PPT eller privat behandlar. Dokument frå fastlegen din kan vi innhente sjølve.

Du må signere søknaden sjølv, eller gi fullmakt dersom nokon søkjer på vegner av deg.

Kva skjer vidare?

Alle søknadar blir behandla konfidensielt. Opplysningar som er underlagt teieplikt er unnatekne offentleg innsyn etter Offentleglova § 13 og Forvaltningslova § 13.

Saksbehandling

Etter motteken søknad vert den som søkjer kontakta for ein kartleggingssamtale seinast tre veker etter innsendt signert søknad. Kartlegginga skjer enten gjennom heimebesøk eller ved samtale på Tildelingskontoret.

Vi kan be om samtykke for å hente inn informasjon frå lege, helsepersonell, Nav eller andre relevante instansar.

Informasjon om

Svar på søknad

Du kan forventa å få svar innan fire veker. Dersom saksbehandlinga tek lengre tid, får du eit varsel om dette innan fristen. 

Svar på søknad (vedtak) får du via digital post. Om du har reservert deg mot digital post svarer vi deg via brevpost. 

Vedtaket vil innehalde ei grunngjeving for kvifor du får, eller ikkje får, ei teneste. Det vil også innehalde kva teneste(r) du eventuelt har fått innvilga. Melding om vedtak vert vidaresendt av kommunen til utførande verksemd.

Akutt behov

  • Ved akutte situasjonar eller utskriving frå sjukehus vil vedtak bli fatta raskt, og kartlegging skjer undervegs eller i ettertid.
  • Nokre søkjarar vil få eit førebels svar med endeleg vedtak innan ei oppgitt tidsfrist.

Venteliste

  • Dersom det er knappheit på tenester (t.d. omsorgsbustader og sjukeheimsplassar), vil søkjaren bli sett på ei venteliste.

Regelmessig evaluering

  • Alle vedtak blir revurderte minst ein gong i året.
  • Dersom behovet ditt endrar seg, må du gi melding til tenesta.

Klage

Det er klagerett på vedtaket. Send klage til Tildelingskontoret innan ein frist på fire veker frå den datoen du fekk vedtaket. Dersom kommunen opprettheld vedtaket, blir klaga sendt vidare til Statsforvaltaren. 

Klager på utføring av tenester må rettast til den verksemda som gir tenesta.

Pasient- og brukarombodet

Pasient- og brukarombodet kan gi deg informasjon om rettar, råd, klagemoglegheiter og rettleiing. Tenestene deira er gratis, og du kan velje å vera anonym om du ønskjer det. Les meir om Pasient- og brukerombudet .

Prisar

  • Naudsynt helsehjelp er gratis.
  • For andre tenester kan det vere ein eigenandel.

Her finn du prisar på eigenbetaling

Lover og reglar