Kven kan få tilbodet?
For å få tenester organisert som BPA, må ein:
- Ha behov for personleg assistanse, inkludert praktisk bistand, opplæring, støttekontakt eller avlasting.
- Ha eit stort og langvarig behov for tenester, minst to år.
- Ha behov for meir enn 32 bistandstimar per veke for å ha rett til BPA.
- Ved behov mellom 25-32 timar per veke, kan BPA bli vurdert dersom det ikkje er vesentleg meir kostnadskrevjande for kommunen.
- Vere under 67 år ved søknadstidspunktet.
- Kommunen gjer ei heilskapleg og individuell vurdering av kva hjelp som er mest hensiktsmessig for å dekke behovet for bistand.
Målgruppa inkluderer:
- Personar med funksjonsnedsetting som har eit samansett og omfattande behov for tenester, og som kan leie assistentane sjølv.
- Personar med kognitiv svikt som ikkje kan ivareta arbeidsleiarrolla sjølv, men har ein pårørande eller verje som kan ta ansvar.
- Familiar med barn med nedsett funksjonsevne.
Arbeidsleiar har ansvar for at assistentane er i stand til å ivareta sine oppgåver gjennom:
- å utarbeide ein oppgåve- eller arbeidsbeskrivelse som er detaljert nok til at assistenten kan utføre oppgåvene slik dei er tenkt.
- å gje assistenten naudsynt opplæring og mogelegheit til å utvikle seg i jobben.
- å sørge for at assistenten har ein forutsigbar arbeidskvardag
- å sørge for eit godt og forsvarleg arbeidsmiljø, i henhold til avtale med arbeidsgjevar
Kva kan du få hjelp til?
Tenesta kan omfatte:
- Personleg assistanse (hygiene, påkleding, ernæring, matlaging).
- Praktisk bistand i heimen og kvardagen.
- Opplæring i daglege gjeremål.
- Støttekontakt for sosial deltaking og aktivitetar utanfor heimen.
- Følgje til arbeid, skule, fritidsaktivitetar og reiser.
- Anna naudsynt assistanse basert på individuelle behov.
BPA dekkjer ikkje helsehjelp som krev medisinsk kompetanse. Treng du dette, får du det i staden gjennom heimesjukepleien. Assistentane skal heller ikkje gjera oppgåver for andre i familien, og BPA dekkjer ikkje reise og opphald for assistentane.
- Brukaren, eller ein godkjent pårørande/verje, må kunne ta på seg rolla som arbeidsleiar.
- Som hovudregel er rolla som arbeidsleiar ikkje løna.
- Kommunen er ansvarleg for kvaliteten i tenesta og kan opprette tilsyn ved behov.
- Kommunen bistår med rekruttering av personlege assistentar.
- Kommunen dekker løn og driftsutgifter knytt til BPA-ordninga.
- Tenesta blir vurdert saman med, eller i staden for, anna tenestetilbod. Dersom behovet for helse- og omsorgstenester endrar seg, kan BPA-vedtaket bli vurdert på nytt.
Kommunen har avtale med fleire private selskap som kan levere BPA-tenester. Du kan velja mellom desse:
- Mio BPA AS
- Prima Assistanse AS
- Stendi AS
- Uloba – Independent Living Norge SA
- Human Care AS
- JAG Assistanse
- Aberia Omsorg AS
- Ecura hjemmetjenester og BPA AS
- Medvind Assistanse AS
- Assent AS
- Assister meg AS
Slik søkjer du
Det er ingen søknadsfrist. Vi behandlar søknadene etter kvart som dei kjem inn.
Søk om helse- og omsorgstenester digitalt
Søkja på papir?
Dersom du heller vil søkja på papir, kan du lasta ned og skriva ut papirskjemaet:
Søknad om helse og omsorgstenester (pdf)
Send papirskjema til:
Ullensvang kommune v/Helse og omsorg
Avdeling for Forvaltning og koordinering
Opheimsgata 31
5750 Odda
Kva kostar det?
BPA er gratis for deg. Kommunen dekkjer kostnadene for tenesta.
Kva skjer etter at du har søkt?
Når vi har fått søknaden din, vurderer vi kva hjelp som passar best for å dekka behovet ditt. Du får eit skriftleg svar på søknaden frå oss med vedtaket.
Om du ikkje er nøgd med svaret, kan du klaga. Du må senda klagen til kommunen innan fire veker etter at du fekk brevet frå oss.
Lover og reglar
- Helse- og omsorgstenestelova § 3-8, jf. § 3-1 punkt 6, bokstav b.
- Pasient- og brukerrettighetsloven § 2-1d.