Strategisk hamneplan – høyring

Korleis skal vi utvikle hamnene?

Vi har utarbeida eit forslag til hamneplan og vil ha dine innspel.

• Kva meiner du om målsettingane i hamneplanen?
• Kva synest du kommunen skal satse på i hamneområda?
• Kva tenkjer du er ein bærekraftig utvikling for din bygd eller næring?
• Korleis auker vi beredskap gjennom strategisk hamneplanlegging?

Det er nokon av spørsmåla vi gjerne vil ha svar på frå innbyggarar og andre interesserte når vi no legg den strategiske hamneplanen ut på høyring.

Fyrste hamneplan

Ullensvang kommune har ikkje hatt hamneplan, men har hatt rutiner for drift av hamn i Odda, der aktiviteten har vore størst. Det er viktig å få innspel til ønska utvikling for heile kommunen. Det er kommunale kaier i Kinsarvik, Jondal, Herand og Hovland som er viktige å utvikle i tillegg til Odda.

Legge til rette for utvikling

Gjeldande revisjon av havne- og farvannsloven trådde i kraft 01.01.2020. Det er difor på høg tid at Ullensvang kommune for fyrste gong utarbeider ein strategisk hamneplan.I denne planen vert det difor sentralt å sjå nærare på korleis ein kan vidareutvikle den eksisterande hamnedrifta, utvikle ny og utvida hamnedrift, samt utvikle samarbeidet mellom kommunen og private næringsaktørar, turistnæring og cruise.

Norconsult bistår kommunen med å gjennomføra planarbeidet og utforma plandokumentet, og vil av den grunn få kopi av alle innspel.

Vedlegg til sak:

• Sak: Strategisk Hamneplan for høyring og offentleg ettersyn
• Strategisk hamneplan – Ullensvang kommune for høyring og offentleg ettersyn
• Oppdatert plandokument for høyring Strategisk hamneplan v. 07
• Vedlegg: 2024-04-26 Ullensvang hamn_Strategiplan
• 18210 Strandpromenade Odda
• Oversikt gjestehamner
• Innspel til hamneplan
• Oppstart av strategisk Hamneplan – Ullensvang kommune
• Invitasjon til informasjon og dialog om hamneplan for Ullensvang kommune
• Innspel til ny hamneplan
• Sikringsteneste ved Odda havn