Kreftkoordinator

Kva kan krefkoordinator hjelpa deg med?

• Å koordinera og leggja til rette for at du og dine får ein best mogleg kvardag.
• Vera ein ressursperson for deg som er kreftramma eller er pårørande.
• Informera om ulike tenester, rettar og tilbod innan kreftomsorgen lokalt og regionalt.
• Gje råd og rettleiing om diagnose, behandling og rehabilitering.
• Vera ein samtalepartner som kan bidra til å sortera tankar i ei vanskeleg tid.
• Jobba tverrfagleg. Samarbeida med andre instansar som er relevant i ein sjukdomsperiode, samt i etterkant av sjukdom og behandling dersom behovet er der.

Lågterskeltilbod

Kreftkoordinatortilbodet er eit lågterskeltilbod. Det betyr at du ikkje treng henvisning frå lege eller sjukehus for å ta kontakt.

Du kan sjølv ringa, senda melding eller e-post for å gjera avtale.