Velkomen<Politikk, styre, råd og utval<Aktuelle høyringar og saker<Varsel om endring av Detaljreguleringsplan for del av Smelteverkstomta
smelteverkstomta

Varsel om endring av Detaljreguleringsplan for del av Smelteverkstomta

Det vert med dette førehandsvarsla at Vinkel Arkitekter AS på vegne av A.Utvik AS utarbeidar forslag til endring av Detaljreguleringsplan for del av Smelteverkstomta – Sentrum, gnr/bnr 61/2 m fl og gnr/bnr 59/31 m.fl. Plan-ID 1228 2019002, jf. §§ 1-9 og §12-8 og12-14 i plan- og bygningslova og § 16 i forvaltningslova.

Behovet og endringa av planen er grunna i at det er avdekt fare for flodbølgje som følgje av fjellskred frå Træstane og Deildo.

Samt mindre endringar;

  • i forhold til tydeliggjering av gitte høgdar i føresegnene.
  • regulert avkøyring BB3
  • i forhold til å tillate utkragede bygningsdelar

 

Kort om føreslått endring

Flodbølge etter fjellskred
Endringa er grunna i at det innanfor regulerte område er kartlagt og avdekt at området er utsett for skred og/eller flodbølgje. Innanfor regulerte område kan kommunen gjennom forenkla planendring, jf. § 12-14 i plan- og bygningslova gjere unntak og legge til rette for utbygging.

Vilkåra for å gjere unntak i regulerte område følgjer av TEK17 § 7-4 andre leidd bokstav a – e. Det følgjer eiga vurdering etter TEK17 § 7-4 i vedlegg i ROS-analyse

Unntaksføresegna i TEK17 dekker dei tilfella der konsekvensane av manglande utbygging vil vere at lokalsamfunnet går glipp av utvikling og gjer det vanskeleg å oppretthalde næring og befolkning, som følgje av at det ikkje ligg føre alternative utviklingsareal. Føresegna opna for bygging dersom det er etablert eit forsvarleg system for overvaking, varsling, beredskap og evakuering.

Planen for del av Smelteverkstomta tilhøyrande justeringar bygger på at kommunen har eit forsvarleg system for å overvaking, varsling, beredskap og evakuering for å hindre tap av menneskeliv. Gjennom vurderinga som følgjer i ROS-analysen er det konkludert med at vilkåra for å tillate vidare utbygging er oppfylt. Det gjeld både for etablering/utviding/attreising av byggverk og anlegg som Detaljreguleringsplan for del av Smelteverkstomta (Plan-ID 1228 2019002) opnar for.

 

Skredfare
Vi har endå ikkje fått svar angåande ras vurdering for Odda aust. Dette skal avklarast før planendring kan godkjennast. NVE får denne vurdering ettersendt når den føreligg.

 

Mindre endringar
Føresegnene og plankart er tilpassa allereie godkjent tiltak.

Planendring er i tråd med gjeldande kommuneplan i forhold til formål angitt i området. Planarbeidet er vurdert av Ullensvang kommune til å ikkje utløyse krav om konsekvensutredning, jfr. Plan- og bygningsloven §14 og forskrift om konsekvensutredning (2017). Ullensvang kommune vurderer endringane til å ligge innanfor det som kan handsamast som mindre endring av vedteken plan i samsvar med § 12-14 i plan- og bygningslova.

Slik forenkla prosess forutset at:

  • Endringar påverkar bare i liten grad gjennomføringa av hovudplanen.
  • Endringar går ikkje utover hovudrammene i planen.
  • Endringar berører heller ikkje omsynet til viktige natur- og friluftsområde.
    1. Endringa er mindre og vil ikkje få konsekvensar av betydning for viktig infrastruktur eller allereie godkjente byggetiltak på vedteken plan.
    2. Formål, omfang og plassering av tiltak er ikkje endra.
    3. Gjeldande plan omfattar ikkje viktige natur- og friluftsområde, derunder turdrag, friområde og parker.

 

Innspel, innsending og frist

Nærmare opplysningar om saken kan ein få ved å kontakte Vinkel-Arkitekter, sjå nedanfor.

Eventuelle merknader/kommentarar merkast; Endring av Detaljreguleringsplan for del av Smelteverkstomta, og sendast skriftleg til:
Vinkel Arkitekter
Eikeskogvegen 22
5570 Aksdal
eller på e-post: post@vinkel-arkitekter.no

Frist for å sende inn kommentarar/merknader er: 08.05.2024

 

Vedlegg