Søknad om løyve til motorisert ferdsel i utmark – søknadsfrist 1. mai
Utval for samfunn, plan og næring har i møtet den 4. november 2020 vedteke kommunale retningsliner for handsaming av motorferdslesaker i utmark i Ullensvang kommune.
Søknad for sommarsesongen
Ullensvang kommune har ansvar for handsaming av motorisert ferdsel i utmark, på barmark, luft og vatn (sommarsesongen).
Me ber om alle som har behov for motorisert ferdsel i utmark sommarsesongen å senda søknad innan 1. mai gjeldande år.
Dei fleste søknadene er delegert til rådmannen å fatta vedtak i, nokon må opp til politisk handsaming. Det vert difor pårekna 3 veker sakshandsamingstid.
Søknaden skal innehalda følgjande opplysningar
- Namn og fullstendig adresse på søkjar
- Opplysningar om køyretøytype (snøscooter, ATV, beltegåande køyretøy eller liknande), eller fartøy (helikopter, sjøfly, båt) storleik på båtmotor
- Føremål med transporten
- Start- og endestad. Ved køyring på barmark og snø skal ruta teiknast inn på kart som skal leggjast ved søknaden tidsrom for køyring og naudsynt
- Tal turar
- Legeattest ved varig funksjonshemning for dei søknadane det gjeld
- Løyve frå grunneigar for vedhogst
Har du spørsmål om søknad, lover og reglar? Ta kontakt med:
