Borgarleg vigsel
Prøvingsattest
For å inngå ekteskap i Noreg, må det vurderast om vilkåra er oppfylt. Dette vert kalla prøving av ekteskapsvilkåra, og vert gjort av folkeregisteret ved ditt regionale skattekontor. På denne bakgrunn, vil det verta skriven ut ein prøvingsattest.
Attesten er kun gyldig i fire – 4 – månader, og alle spørsmål knytt til prøvinga, må rettast til aktuell prøvingsmyndigheit.
Meir informasjon finn du på Skatteetaten: Veien til ekteskapet – steg for steg
Bestilling av vigsel
Original prøvingsattest må leverast personleg eller sendast i posten. Den kan ikkje sendast på e-post.
Før denne er levert, vert det ikkje starta sakshandsaming eller bekrefta tidspunkt for vigsel.
Hugs at attesten må vera gyldig på vigselstidspunktet.
Kva dagar kan vi gifta oss?
Tidspunkt for vigsel er fredagar frå kl. 09.00 – 15.00, som ikkje er i konflikt med lov eller avtalefesta helge- og fridagar som jul, påske, 1. og 17. mai.
Kvar 1. laurdag i månaden frå kl. 10.00 – 14.00, med unnatak for 1. nyttårsdag, påskeaften, pinseaften, 1. og 17. mai.
Ein kan sjølvsagt kome med andre ynskjer, som må avklarast med aktuell vigslar.
Ullensvang kommune har 5 personar med vigselsrett
2 politisk valde og 3 tilsette:
- Roald Aga Haug – Ordførar
- Inger Synnøve Vestrheim – Varaordførar
- Ole-Jørgen Jondahl – Rådmann
- Ragnvald Joakimsen – Konsulent
- Inger Eitrheim Johansen – Sakshandsamar
Kva kostar det å gifta seg i Ullensvang kommune
Det er gratis om minst ein partane er busett i kommunen. Det er og gratis for folk frå utlandet.
Elles er satsane slik:
§ 12 a. Vigsler i kommunen
| Innbyggjar og busette i utlandet jf. ekteskapslova § 12 a | Alle andre | |
| Seremoni i utpeika i kommunale lokale og innan dei vedtekne standardtidspunkta for vigsel | Utan kostnad | NOK 1 000,- Dekker kostnad til vigsle og til før- og etterarbeid |
| Seremoni utanom standard vigseltidspunkt | NOK 1 000,- Dekker kostnad til vigslar | NOK 2 000,- |
| Seremoni: Kommunalt og opplista i saka | Paret avtalar og dekker sjølv faktiske kostnader | Paret avtalar og dekker sjølv faktiske kostnader |
| Transport til andre lokale/stader for vigslar | Faktiske kostnader | Faktiske kostnader |
Når kan vi gifta oss etter å ha levert original prøvingsattest?
Vi utfører vigselen så raskt det er ynskjeleg, men må tilretteleggja og sakshandsame dette, difor treng vi 1 veke som eit minimum – før vigsel kan verta utført.
Stad for vigsel
Vi har ulike rom som kan brukast til vigsel i Ullensvang rådhus som ligg i Odda, og kommunehusa i Jondal og Kinsarvik.
Det kan og avtalast vigsel ute eller bruk av andre lokal. Dette vert avklart i samtale med koordinator for vigsel.
Koordinator - ta kontakt for meir informasjon:
Til alle som ynskjer å gifta seg i Ullensvang kommune: Hjarteleg velkomen!