Pårørande

Er nokon du står nær blitt ramma av alvorleg sjukdom? Har de fått vite at de ventar eit barn med funksjonsnedsettingar? Har ektefellen din fått diagnosen demens?

Dei aller fleste av oss vil oppleve å verte pårørande - nokon i korte periodar og andre i store delar av livet. Som pårørande spelar du ei viktig rolle som bidragsytar og støttespelar, og Ullensvang kommune ønskjer eit godt samarbeid med deg. Her finn du informasjon om dine rettar, tilgjengelege tenester, og korleis du kan få støtte til å meistre eigen situasjon og gjere kvardagen din enklare.

Gode råd til deg som pårørande

Kven er pårørande?

Det blir skilt mellom pårørande og næraste pårørande. Ein pasient eller brukar kan ha mange pårørande, men ikkje alle har dei same rettane, sjølv om fleire bidreg på ulike måtar. Omgrepet «næraste pårørande» blir brukt om den som har rett til informasjon om pasienten si helsetilstand, helsehjelp, journalinnsyn osv. Pasienten/brukaren må samtykke til deling av informasjon, og bestemmer sjølv kven som er definert som næraste pårørande.

Dine rettar som pårørande

Som pårørande har du viktige rettar som skal sikre at du får informasjon, støtte og medverknad i oppfølginga av den du står nær. Lovverket gir deg rett til innsyn og involvering, samtidig som det tek omsyn til personvern og teieplikt. Kva informasjon eller støtte du har rett til er avhengig av om du er næraste pårørande, kva den du står nær har samtykka til, og om du har særleg krevjande omsorgsoppgåver.

Les meir om dine rettar som pårørande

Viktige tenester for pårørande

Kommunen har fleire ulike former for avlastingstiltak, hjelpemiddel og alarmar som involverer pårørande.

Avlasting
Avlasting blir tildelt som støtte til pårørande som har særleg tyngjande omsorgsoppgåver. Avlasting blir gitt på timebasis både i og utanfor heimen, som besøks-/helgeheim eller som opphald i avlastingsbustad eller institusjon.

Les meir om avlasting, avlasting for barn og unge og privat avlasting.

Omsorgsstønad
Er du pårørande og har eit særleg tyngjande omsorgsarbeid som varer over tid, kan du søkje om omsorgsstønad. Kommunen vurderer både brukarens og pårørandes behov og skal gje eit naudsynt og forsvarleg tilbod til den einskilde.

Les meir om omsorgsstønad

Hjelpemiddel
Pårørande kan få hjelp til å søke om hjelpemiddel til personar som treng hjelp til å meistre ulike delar av kvardagen, som til dømes personleg stell og rørsle.

Les meir om hjelpemiddel

Alarmar som gir tryggleik i heimen
Alarmar er ein type velferdsteknologi som kan gje auka tryggleik og sjølvstende i heimen. Det finnes ulike alarmar for ulike behov til dømes for å tilkalle hjelp, eller varsle om fall eller bevegelse.

Les meir om alarmar som gir tryggleik i heimen

Søke om tenester

Fullmakter og verjemål

Søknadsprosess

Kommunen har ei rekkje ulike helse - og omsorgstenester, og det kan vere vanskeleg å vite kva for tenester som vil vere riktige for å dekkje hjelpebehovet de har. Ta gjerne direkte kontakt med Tildelingskontoret og beskriv behovet, så vil vi informere deg om kva for tenester som kan vere aktuelle i dykkar situasjon.

Les meir om korleis du går fram for å søkje om helse- og omsorgstenester i Ullensvang kommune.

Klage på helse- og omsorgstenester

De har rett til å klage dersom den du er pårørande for har fått avslag på søknad om helse- og omsorgstenester, eller de er misnøgde med kvaliteten på helse- og omsorgstenestene frå kommunen.

Les meir om korleis du går fram for å klage på vedtak eller oppfølging.

Barn og unge som pårørande

Barn og unge er pårørande når foreldre eller sysken har utfordringar. Det kan handle om psykisk uhelse, rusmiddelavhengigheit, somatisk sjukdom, skade, funksjonsnedsetjingar eller dødsfall. Snakk gjerne med dei tilsette i barnehagen, læraren på skulen eller helsesjukepleiar, slik at dei kan bistå med god og konkret informasjon tilpassa barnet sin alder og modenheit. Dei har også oversikt over ulike tilbod for barn. Dei ulike helse- og omsorgstenestene har også eigne tilsette med ansvar for barn som pårørande.

Kommunen har eigen tiltaksoversikt over tenester og tilbod retta mot barn og unge.

Har du barn som pårørande, eller jobbar du med barn som pårørande? Då kan desse sidene vere svært nyttige:

Barn og unge som pårørande til personar demens:

Barn og unge som pårørande til personar med rusavhengigheit eller psykiske lidingar:

Demens

Som pårørande til ein person med demens kan du ha behov for opplæring, hjelp og støtte.

Ullensvang kommune har Demenskoordinator som kan vere ein støttespelar for pårørande til personar med demens.
Det vert jamleg gjennomført Pårørandeskule for pårørande til personar med demenssjukdom, og samtalegrupper for pårørande.

Nyttige ressursar:

Barn og unge som pårørande til personar demens:

Psykisk helse og rus

Å vere pårørande til nokon som strevar med rus eller psykisk sjukdom kan vere krevjande, både emosjonelt og praktisk. Mange pårørande kjenner på uro, bekymring, frustrasjon og eit stort ansvar i kvardagen.

Les meir om tilboda i kommunen

Pårørande sine rettar - informasjon til pårørande av pasientar med psykiske lidingar og rusproblem

Rus:

Psykisk helse:

Nyttige lenkjer

Aktuelle sider no

Pårørande

Kven er pårørande?

Fullmakter og verjemål

Søknadsprosess

Klage på helse- og omsorgstenester

Nyttige ressursar:

Barn og unge som pårørande til personar demens:

Kontakt oss

Skriv til oss

Besøk oss

Snakk med oss