Demenskoordinator

Er du eller ein av dine ramma av sviktande minne eller demens? Då kan du få råd, støtte og rettleiing av demenskoordinator i kommunen.

Sist endra 07.05.2026 08:46

Demenskoordinatoren tilbyr rettleiing, kurs, utgreiing i samarbeid med hukommelsesteamet og fastlegen. Koordinatoren er eit bindeledd mellom personar med demens og hjelpeapparatet.

Kva er demens?

Demens er ei fellesnemning for ei gruppe hjernesjukdomar som fører til sviktande minne, handlingsevne og språkfunksjon, endring i personlegdom og åtferd. Problema kan vera samansette og av praktisk, fysisk, psykisk eller sosial art.

Har du mistanke om at du sjølv, eller ein av dine nære, er i ferd med å utvikla demens, ta kontakt. Utgreiinga vert ofte gjennomført av fastlege i samarbeid med hukommelsesteam. Nokre gongar vert utgreiinga gjort hos spesialisthelsetenesta. Det er viktig å få stilt ein diagnose, uansett om symptoma skuldast demens eller anna sjukdom.

Kven kan få hjelp

  • Personar med mistanke om demenssjukdom som har behov for demensutgreiing
  • Personar med demenssjukdom som har behov for oppfølging etter å ha fått ein demensdiagnose
  • Pårørande og vener til personar med demens som har behov for oppfølging/rettleiing

Demenskoordinatoren kan hjelpa med

  • vera tilgjengeleg for personar med demens og deira pårørande
  • tilby individuelle samtalar, pårørandeskule og informasjon om kurs o.l.
  • kartlegga hjelpebehov og delta i utgreiing saman med hukommelsesteam og fastlege ved mistanke om demenssjukdom
  • ha oversikt over relevante tilbod og tenester frå kommunen
  • tilby koordinering av tenester
  • ha samarbeid med aktuelle partar som feks: lokal demensforeining, tildelingskontor, fysio- og ergoterapitenesta, heimetenesta, dagtilbod, sjukeheim/omsorgsbustad, spesialisthelsetenesta og fastlegane i kommunen
  • hjelpa med å finna ut kva hjelpemiddel du kan ha nytte av

Pårørandeskule (hausten 2026) - oppstart 15. september

Tema:

  • Kva er demens?
  • Kommunikasjon med personar som har demens
  • Informasjon frå bank om BankID, framtidsfullmakt m.m.
  • Tenester i kommunen
  • Innlegg frå pårørande

Det kan komma endringar.

Det vil også vera mogleg å delta i samtalegrupper for pårørande.

Pris

Tenesta er gratis. 

Ta kontakt

Alle som har ei bekymring knytt til demens, for eigen del, som pårørande eller hjelpepersonell kan gjerne ta kontakt.

Du kan også ta kontakt via fastlegen din.

Nyttige lenkjer