Reglar for torgplass i Odda, Kinsarvik og Jondal

Odda:

• Inn- og utkøyring skal skje frå vest på nordsida av Torget 2/4. Området er skilta med innkøyring forbode, unntak er torghandlar med avtale.
• Akseltrykk er sett til 6 tonn
• Ein kan stå på torget frå kl. 08.00 – 22.00. Køyretøy eller anna utstyr som til dømes tilhengarar, kan ikkje stå på torget over natta.
• Plassering av torgbilane skal i mest mogeleg grad stå i aust/vest retning. Benkane skal ikkje brukast til oppstilling av varer, og torgbilane må plasserast så langt frå benkane at dei kan nyttast av publikum.
• Det er tilgang til straum i kvar ende av langsgående rabatt med hekk, og vatn i høgre ende ved vassrenna. Det trengst nøkkel til straumskap, avtal ved tinging av plass.

Fellesreglar for Kinsarvik, Jondal og Odda:

• Ring tlf: 53 65 40 00 for å tinga torgplass.
• Torgleiga kan betalast med kort eller kontant på innbyggjartorget i Ullensvang rådhus. På kommunehuset i Kinsarvik kan ein berre betala kontant. Ein kan og avtala å få tilsendt faktura.
• Oljesøl eller liknande frå torgbilane er ikkje tillate. Om nødvendig skal det leggjast plast eller liknande under bilen for å hindra slik forureining.
• Kvar torghandlar må kosta og eventuelt spyla vekk laust avfall på plassen når dei er ferdig for dagen.