Varsel om utviding av planområde - Beredskapshus Odda

Kommunen varslar utviding av planområde for detaljreguleringsplan for Beredskapshus Odda, planID 46182025003. Utviding skjer som resultat av nabomøte som vart heldt i kommunestyresalen 26.05.2026. Her var køyrbar tilkomst til eigedomane langs gang- og sykkelveg eit av tema.

Føremål for utvidinga av planområdet

For å få ei god kryssløysing inn i planområdet og til nabolag vel kommunen å utvide avgrensinga på planområdet, slik at ein kan regulera inn betre vegløysing. Det vert òg utvida på vestsida av riksveg 13 (Røldalsvegen) for å gje noko meir areal med omsyn til riksvegen og kryssløysinga, samt utviding nordover langs riksvegen. Sjå vedlagt kart for noverande planavgrensing (Vedlegg 1 - Noverande kart), samt kart for ny planavgrensing etter utviding (Vedlegg 2 - Framtidig kart) for visualisering.

Vedlegg

Innspel

Eventuelle merknader og innspel som kan ha innverknad og/eller vera av interesse for planarbeidet sendast til kommunen digitalt eller per brev. 

Send merknad digitalt

Brev skal merkast med “Detaljreguleringsplan for Beredskapshus Odda, planID 46182025003” og sendast til:

Ullensvang kommune

  • Frist for uttale/merknad vert sett til 30.10.2026 (seks veker), jf. pbl § 12-10 første ledd.

Spørsmål

Spørsmål om planarbeidet kan rettast til kommunen v/ sakshandsamar Frank Aleksander Høyland på e-post: frank.hoyland@ullensvang.kommune.no. 

Plandokument er publisert her på våre nettsider 

Og på kommunen sitt digitale planregister Arealplaner.no