Pårørande

Som pårørande har du viktige rettar som skal sikre at du får informasjon, støtte og medverknad i oppfølginga av den du står nær. Lovverket gir deg rett til innsyn og involvering, samtidig som det tek omsyn til personvern og teieplikt. Kva informasjon eller støtte du har rett til er avhengig av om du er næraste pårørande, kva den du står nær har samtykka til, og om du har særleg krevjande omsorgsoppgåver. 

Les meir om dine rettar som pårørande

Kommunen har fleire ulike former for avlastingstiltak, hjelpemiddel og alarmar som involverer pårørande.

Avlasting
Avlasting blir tildelt som støtte til pårørande som har særleg tyngjande omsorgsoppgåver. Avlasting blir gitt på timebasis både i og utanfor heimen, som besøks-/helgeheim eller som opphald i avlastingsbustad eller institusjon. 

Les meir om avlasting og avlasting for barn og unge

Omsorgsstønad
Er du pårørande og har eit særleg tyngjande omsorgsarbeid som varer over tid, kan du søkje om omsorgsstønad. Kommunen vurderer både brukarens og pårørandes behov og skal gje eit naudsynt og forsvarleg tilbod til den einskilde. 

Les meir om omsorgsstønad

Hjelpemiddel
Pårørande kan få hjelp til å søke om hjelpemiddel til personar som treng hjelp til å meistre ulike delar av kvardagen, som til dømes personleg stell og rørsle. 

Les meir om hjelpemiddel

Velferdsteknologi
Kommunen tilbyr ulike former for velferdsteknologi som kan gje auka tryggleik og sjølvstende i heimen. Dette kan vere tryggleiksalarmar som også varsalar om fall eller vandring, elektroniske medisindispensarar eller sensorar som kontrollerer omgjevnadane. 

Les meir om velferdsteknologi

Fullmakter og verjemål

• Informasjon om vergemål på Sivilrettsforvaltningen sine nettsider 
• Informasjon om framtidsfullmakt på Sivilrettsforvaltningen sine nettsider

Søknadsprosess

Kommunen har ei rekkje ulike helse - og omsorgstenester, og det kan vere vanskeleg å vite kva for tenester som vil vere riktige for å dekkje hjelpebehovet de har. Ta gjerne direkte kontakt med Tildelingskontoret og beskriv behovet, så vil vi informere deg om kva for tenester som kan vere aktuelle i dykkar situasjon.

Les meir om korleis du går fram for å søkje om helse- og omsorgstenester i Ullensvang kommune.

Klage på helse- og omsorgstenester

De har rett til å klage dersom den du er pårørande for har fått avslag på søknad om helse- og omsorgstenester, eller de er misnøgde med kvaliteten på helse- og omsorgstenestene frå kommunen. 

Les meir om korleis du går fram for å klage på vedtak eller oppfølging.

Barn og unge er pårørande når foreldre eller sysken har utfordringar. Det kan handle om psykisk uhelse, rusmiddelavhengigheit, somatisk sjukdom, skade, funksjonsnedsetjingar eller dødsfall. Snakk gjerne med dei tilsette i barnehagen, læraren på skulen eller helsesjukepleiar, slik at dei kan bistå med god og konkret informasjon tilpassa barnet sin alder og modenheit. Dei har også oversikt over ulike tilbod for barn. Dei ulike helse- og omsorgstenestene har også eigne tilsette med ansvar for barn som pårørande. 

Kommunen har eigen tiltaksoversikt over tenester og tilbod retta mot barn og unge. 

Har du barn som pårørande, eller jobbar du med barn som pårørande? Då kan desse sidene vere svært nyttige:

• BarnsBeste
• Voksne for barn
• Unge Pårørende
• BTI: Barn som pårørande

Barn og unge som pårørande til personar demens:

• hvemsermeg.no
• tidtilung.no 

Barn og unge som pårørande til personar med rusavhengigheit eller psykiske lidingar: 

• Unge pårørande til personan med psykisk sjukdom
• Ivareta 
• Al Anon - Håp og hjelp for familie og vener av folk med drikkeproblem
• Barn av rusmisbrukere

Som pårørande til ein person med demens kan du ha behov for opplæring, hjelp og støtte. 

Ullensvang kommune har Demenskoordinator som kan vere ein støttespelar for pårørande til personar med demens. 
Det vert jamleg gjennomført Pårørandeskule for pårørande til personar med demenssjukdom, og samtalegrupper for pårørande. 

Nyttige ressursar:

• Å vere pårørande til personar med demens - HelseNorge
• E-læringskurs for deg som er pårørende
• Demenslinjen
• Last ned E-boka: Pårørendestøtte - demens

Barn og unge som pårørande til personar demens:

• hvemsermeg.no
• tidtilung.no 

Å vere pårørande til nokon som strevar med rus eller psykisk sjukdom kan vere krevjande, både emosjonelt og praktisk. Mange pårørande kjenner på uro, bekymring, frustrasjon og eit stort ansvar i kvardagen. 

Les meir om tilboda i kommunen

Pårørande sine rettar - informasjon til pårørande av pasientar med psykiske lidingar og rusproblem

Rus:

• Er du råka av ein anna sitt rusproblem
• Ivareta - pårørande berørt av rus
• A-larm pårørende
• Rusinfo 

Psykisk helse:

• Landsforeninga for pårørande innen psykisk helse
• Mental helse 
• Rådgivning om spiseforstyrrelser  

Å vere pårørande til nokon med kreft kan vere svært krevjande, og ein kan føle seg åleine. Ullensvang kommune har Kreftkoordinator som kan vere ein støttespelar for pårørande til personar som er ramma av kreftsjukdom. 

• Kreftforeningen - Støtte, råd og rettigheiter til pårørande ved kreft
• Hjelpepodden - Podcast om ordningar for pasientar og pårørande produsert av Haraldsplass diakonale sykehus

• Pårørandesenteret 
• Pasient- og brukarombodet
• PIO-Senteret
• Helsedirektoratet - når ein av våre næraste døyr