Kontrollutvalet
Kommunestyret vel representantar til kontrollutvalet. Utvalet har 5 medlemmar og minimum ein av desse må vera medlem av Kommunestyret. Leiar i utvalet kan ikkje vera medlem av same parti eller tilhøyre same gruppe som ordførar. Medlemmane og varamedlemmane kan ikkje vere representerte i andre politiske utval.
Utvalet er heimla i kommunelova kapittel 23 og forskrift om kontrollutvalg og revisjon kapittel 1.
Oppgåver
Kontrollutvalet har normalt 5 ordinære møter i året. Møta er opne for publikum og sakspapir/protokoll for kontrollutvalet, samt møteplan finn du i lenka under.
Lenker
Kontrollutvalet har følgjande faste medlemer
- Olav B. Hus, leiar
- Kåre Grønsnes, nestleiar
- Lars Inge Thorset, Medlem
- Kolbrun Balldursdottir, medlem
- Gunnhild Jaastad, medlem
Om innbyggjarar og publikum ønskjer å kontakte kontrollutvalet kan e-post til kontrollutvalet sendast til leiar, Olav B. Hus med kopi til Kjartan Haugsnes, sekretær for kontrollutvalet.
Kontakter
Kontrollutvalet Vestland fylkeskommune v/Kjartan Haugsnes
Seniorrådgjevar
901 89 542
Revisor
Ullensvang kommune sin revisor er Vestlandsrevisjon IKS. Revisjonstenestene omfattar rekneskapsrevisjon, forvaltningsrevisjon, eigarskapskontroll i selskap som kommunen har eigarinteresser i, og andre kontroll- og tilsynsoppgåver i regi av kontrollutvalet.
Oppgåver
Kontrollutvalet skal føre kontroll med den kommunale forvaltninga på kommunestyret sine vegne. Kontrollutvalet har som hovudføremål å medverke til ei ålmenn tillit i befolkninga, i høve best mogleg løysing av kommunale oppgåver. Vidare at den kommunale oppgåveløysinga er i samsvar med gjeldande lover, forskrifter og politiske vedtak.
Til hjelp i dette arbeidet får kontrollutvalet utført rekneskapsrevisjon, forvaltningsrevisjon av verksemda i kommunen og av verksemda i selskap kommunen har eigarinteresser i, eigarskapskontroll ift. selskap kommunen har eigarinteresser i og andre kontrolloppgåver ved bestillingar til revisor.
Utvalet skal også sjå til at kommunen har ei forsvarleg revisjonsordning. Sekretariatsfunksjon for kontrollutvalet, kan ikkje leggast til kommuneadministrasjonen, eller til revisjonen.
Kontrollutvalet rapporterer resultatet av sitt arbeid til kommunestyret. Revisjonsrapportar etter gjennomførte revisjonar vil du etterkvart finna her.
Sekretariat for kontrollutvalet
Ullensvang kommune kjøper sekretariatstenester for kontrollutvalet hjå Sekretariat for kontrollutvalet i Vestland fylkeskommune.
Sekretariatstenestene omfattar mellom anna saksførebuing for kontrollutvalet, møteinnkalling og saksoppfølging etter møter. Døme: føring av møteprotokoll og iverksetjing av vedtak. Sekretariatsfunksjonen for kontrollutvalet er direkte underlagt kontrollutvalet. Sekretariatet pliktar å følgja utvalet sine retningslinjer og pålegg.