Kommunestyret

Kommunestyret er det øvste organet i kommunen. Kommunestyret fattar vedtak på vegne av kommunen, om ikkje anna følgjer av lov eller delegering. Kommunestyret har det øvste tilsynet med den kommunale forvaltninga.

Innhald på sida

Kommunestyret blir valt for fire år om gongen, etter dei reglar som følgjer av vallova og kommunelova. Ullensvang kommune har 33 representantar i kommunestyret.

Kommunestyret i Ullensvang kommune er oppretta med heimel i kommunelova § 5-1.

Representantane i kommunestyret blir valde for 4 år om gongen av dei røysteføre innbyggjarane i kommunen (manntalet), etter reglar fastsett i vallova.

Kommunestyret har 33 representantar med vararepresentantar. Talet på vararepresentantar for kvart parti/gruppe er tre fleire enn dei faste medlemmene frå kvart parti/gruppe, jf. vallova § 11-12.

Ordføraren leier møta i kommunestyret.

Grupper og gruppeleiarar

Følgjande parti er representerte i kommunestyret:

Grupper i kommunestyret
Parti	Gruppeleiar	Tal repr.
Senterpartiet	Lajla-Margrethe Lindskog-Lund	12
Arbeidarpartiet	Vidar Solvi	11
Høgre	Inger Synnøve Vestrheim	3
Industri- og næringspartiet	Rune Lofthus	2
Raudt	Terje Kollbotn	2
Kristeleg folkeparti	Margot-Helene Backer-Owe	1
SV	Mari Svartveit Hansen	1
Uavhengig		1

Ansvar og mynde

Kommunestyret er det øvste organet i kommunen. Kommunestyret fattar vedtak på vegne av kommunen, om ikkje anna følgjer av lov eller delegering.

Kommunestyret har det øvste tilsynet med den kommunale forvaltninga, og kan forlanga ei kvar sak lagt fram for seg til orientering eller avgjerd.

Kommunestyret har rett til innsyn i alle kommunale saksdokument, med dei avgrensingane som følgjer av kommunelova § 11-13.

Kommunestyret kan gjera om vedtak som er fatta av andre folkevalde organ, rådmann eller andre med delegert vedtaksmynde, på same måte som desse sjølv kunne ha omgjort vedtaket.
Denne retten er ma. avgrensa av reglane i forvaltningslova §35.