Dagaktivitetstilbod for personar med demenssjukdom

Kommunen har dagaktivitetstilbod ved Bokko Dagsenter, og ved Omsorgstenesta Aust og Vest. 

Tilbodet består av tilrettelagde aktivitetar, både sosialt og fysisk, og inkluderer måltid samt transport tur/retur heimen.

Kven kan få tilbodet?

Dagaktivitetstilbod er for deg som

  • bur heime, og har kognitiv svikt eller ein demensdiagnose
  • har behov for eit dagtilbod for å ivareta fysisk og psykisk helse.
  • har nytte og glede av sosialt samvær og aktivitet saman med andre
  • fungerer saman med andre personar med demenssjukdom.
  • har ønskje om å vere der, og klarar deg sjølv med litt tilrettelegging
  • har pårørande med behov for avlasting

Dagaktivitetstilbod er ikkje for deg som

  • ikkje fungerer i sosialt fellesskap med andre
  • har svært redusert funksjonsnivå og treng mykje hjelp 
  • har fått tildelt fast plass på institusjon

Kva kan du få hjelp til?

Målet for tenesta er at du skal kunne vedlikehalde og bruke eigne ressursar så lenge som mogleg, og oppleve meining og meistring. Du skal kunne ha ein aktiv og meiningsfull kvardag i fellesskap med andre, trass i sjukdom eller nedsett funksjonsevne.

  • Tenesta blir tildelt éin eller fleire gonger per veke etter ei individuell vurdering av behov.
  • Tenesta omfattar måltid og transport.
  • Dagsenteret for personar med demenssjukdom ligg på Bokkotunet i Odda. Det er også høve for dagaktivitetstilbod på Utne og i Kinsarvik. 

Kriterium/vurderingar

  • Vurderinga er basert på ei individuell fagleg vurdering av helse, funksjonsnivå og eigenmeistring.
  • Tilbodet tek utgangspunkt i dine ressursar og har fokus på kva som er viktig for deg. Målet er at du skal kunne bu lengst mogleg i eige heim.
  • Dersom ein vurderer at tilbodet ikkje er riktig for deg, kan andre tilbod vere aktuelle som t.d. ulike former for avlasting eller ein fritidskontakt. 

Slik søkjer du

Du kan søkje om dagaktivitetstilbod ved å sende inn søknadsskjema eller ved å kontakte tildelingskontoret.

Søk om helse- og omsorgstenester

Søknad om helse og omsorgstenester (pdf)

Papirskjema kan sendast til: 

Ullensvang kommune v/Helse og omsorg
Avdeling for Forvaltning og koordinering 
Opheimsgata 31
5750 Odda

Søknadsfrist

Det er ingen fast søknadsfrist, søknader blir behandla fortløpande.

Pris

Tenesta er ei betalingsteneste, jf. forskrift om eigenandel for helse- og omsorgstenester. 

Satsane blir fastsette årleg av kommunestyret. 

Sjå her for alle kommunale avgifter, prisar og gebyr

Kva skjer vidare?

Når søknaden din er mottatt, vil kommunen vurdere behovet ditt og fatte eit vedtak. Du vil få skriftleg tilbakemelding om vedtaket.

Klage

Dersom du ikkje er nøgd med vedtaket, kan du klage. Klaga skal sendast til kommunen innan fire veker etter at du har mottatt vedtaket.

Lover og reglar

  • Helse- og omsorgstenestelova § 3-2 første ledd nr. 6 bokstav c