Bustøtte

Bustøtte er ei statleg støtteordning for deg som har låg inntekt og høge buutgifter. Kor mykje du eventuelt kan få i bustøtte kvar månad vert vurdert ut i frå inntektene og buutgiftene til husstanden din. 

Husbanken og kommunen samarbeider om bustøtte ordninga. Husbanken fattar vedtak. Kommunen behandlar sjølve søknaden og har kontakt med deg som søkjar.

Rettleiingsvideo om bustøtte

Kven kan søkja?

Husstandar med låg inntekt og høge buutgifter som leiger eller eig bustad.

Kva kan du få hjelp til?

  • Informasjon, råd og rettleiing
  • Søknad
  • Informasjon om vedtak
  • Klage

Slik søkjer du

Sjekk om du vil få bustøtte på Husbanken sine nettsider.

Dersom du har BankID, skal du søke digitalt. Dersom du ikkje har BankID kan du søke på papir. Papirsøknad sender du til Bustadkontoret i kommunen.

Vedlegg som skal følgje søknaden

 

Eigd bustad

  • Dokumentasjon på lån og andre buutgifter

Utfyllande informasjon om kva vedlegg som skal følgje søknaden finn du i søknadsskjemaet.

Leigd bustad

  • Kopi av husleigeavtale (ved leige av privat bustad)

Ved leige av kommunal bustad treng du ikkje leggja ved kopi av husleigeavtalen din.

Husbanken: Informasjon og søknadsskjema

Søknadsfrist

Søknadsfristen er den 25. i kvar månad. 

Kva skjer videre?

Husbanken behandlar søknaden din og gjer vedtak. Du får skriftleg svar på søknaden din.

Vedtak og eventuell utbetaling er den 20. i månaden etterpå. Dersom den 20. fell på helg eller heilagdag er utbetalingsdato fyrste virkedag før helg eller heilagdagen. Oversikt over utbetalingsdatoar finn du her. 

Klage

Du kan klage på vedtaket innan 3 veker dersom du meiner det er feil. Klagen kan sendast digitalt via Min bostøtte på Husbanken.no for raskare behandling. Ynskjer du skjema tilsendt per post, ta kontakt med Bustadkontoret.

Regelverk og satsar fastsette av Stortinget kan ikkje klagast på.

Du finn meir informasjon om korleis du klager på Husbanken.no

Lovar og reglar