Næringsrenovasjon

• Regelmessig tømming: Vi tømmer avfallet ditt i henhald etter kva som er avtalt.
• Varsling: Vi varslar om planlagde endringar i tømming ved heilagdagar eller ved uføre som gjer at vi ikkje kjem fram.
• Kvalitet og miljø: Vi sørgjer for at avfallet blir handtert på ein miljømessig forsvarleg måte og frakta til godkjende mottak for gjenvinning.

• Korrekt informasjon: Bedrifta pliktar å gje korrekte opplysningar om avfallstype og volum ved søknad, slik at utstyr og tømming vert dimensjonert rett.
• Sorteringsplikt: I samsvar med Avfallsforskrifta har alle verksemder plikt til å kjeldesortere hushaldsliknande avfall (plast, papir/ kartong, matavfall, glass og metallembalasje).
• Plassering og tilkomst: Bedrifta må sørgje for at køyreveg er dimensjonert for tunge køyretøy, og at det er brøyta og strødd.
• Ikkje fyll behaldaren over kanten: Loket skal alltid kunne lukkast heilt for å hindre at det kjem vatn inn.

Dersom vi har gløymt ein behaldar, eller det har oppstått tekniske feil, skal vi rette opp i dette snarast mogleg etter at melding er motteken. 

Meld ein feil her

Iht. forskrift om brannførebygging §2-1, første ledd, skal eigar av eitkvart brannobjekt, sørgje for at bygget er utstyrt og haldt ved like i samsvar med gjeldande lover og forskrifter om førebyggjing av brann.

Med brannobjekt meiner ein einkvar bygning, konstruksjon, anlegg, opplag, tunnel, verksemd, område m.m., der brann kan oppstå og true liv, helse, miljø eller materielle verdiar.

Ovannemnde regelverk inneber at det er eigaren av eit brannobjekt, offentleg eller privat, som har ansvaret for å sikre objektet mot brann.

For å unngå brann set forsikringsselskapa krav i forsikringsavtala til plassering av avfallsbehaldarane.

Ofte ligg kravet på minst 5 meter frå yttervegg, men kravet kan variere noko.

Dersom avfallet oppbevarast i brannsikre behaldarar kan behaldarane plasserast nærare. Vi oppfordrar til at verksemda di sjekkar krava i gjeldande forsikringsavtale for det bygget som avfallsbahaldarane skal plasserast i nærleikan av.

Dersom ein får problem med å ivareta minsteavstanden som krevjast i forsikringsavtalen, kan Ullensvang kommune tilby brannsikre behaldarar. Sjå svarskjema for næringsrenovasjon.

Tiltak for å redusera ulemper med lukt er å ikkje plassera behaldarar som innheld organisk avfall i nærleiken av bustader, private eller offentlege hagar/uteplassar eller i nærleiken av vindauger som kan nyttast til lufting og/eller luftinntak for ventilasjonsanlegg. 

Ein bør også forsøkje å plassere behaldarane så skuggefullt som mogeleg.

Tiltak for å gje avfallsbehaldarane eit best mogelg estetisk inntrykk må vurderast opp mot nærmiljøet dei er plasserte i. Ein bør leggje større ressursar i estetiske tiltak dersom behaldarane plasserast i nærleiken av eit inngangsparti, enn dersom dei plasserast i ein bakgård.

Estetiske tiltak for behaldarar som blir eksponert for innsyn kan være i byggje dei inn, setje opp gjerde eller beplantning rundt behaldarane.

Ved plassering av behaldarane bør følgjande forhold takast hand om knytt til tryggleik:

• Tilkomsten til behaldarane må vera lett å få oversyn over slik at førarar av alle køyrety har god sikt når dei anten skal levera/henta avfall, eller anna.
• Skråningar må sikrast med gjerde eller liknande for å sikre at ikkje behaldarar kan kan trille eller velte ut i skråninga.
• Plassen der behaldarane står må vere så plan som mogleg for å hindra at ein kan misse kontroll over ein behaldar ved forflytning av denne.

Ved plassering av avfallsbehaldarane er det viktig å gjere ei vurdering med tanke på eksponering for vind. Ved sterk vind vil plastbehaldarane kunne velte eller loket kan opne seg.  Avfall kan med dette verte teken av vinden og valde person- og materielle skader. 

Tiltak mot eksponering for vind vil vere å skjerma behaldarane best mogeleg, sikre loket slik at det ikkje kan blåse opp,  og forankre behaldarane inn mot eit gjerde eller liknande.

Ved plassering av behaldarane er det viktig å ta omsyn til snøbrøyting og tilkomsten for renovatøren.  I denne samanhang er det anbefalt å rådføre seg med brøytemannskap og renovatør.

Verksemd der det kan oppstå farleg avfall, skal levere dette til den som etter §11-6 og §11-7 i Avfallsforskrifta kan handtere avfallet.  Farleg avfall skal leverast minst ein gong pr. år.  Plikta trer ikkje inn før den totale mengda farleg avfall overstig 1 kg.

Ved nedlegging av verksemd eller driftsstans over 3 månadar vil leveringsplikta finne stad med det same.

Kommunen skal sørgje for at det eksisterer eit tilstrekkeleg tilbod for mottak av farleg avfall frå hushaldningar og verksemder med mindre mengder farleg avfall i kommunen.  Plikta er begrensa til mottak av inntil 1 000 kg farleg avfall totalt pr. år pr. eigar av avfallet.

Sjå her for alle kommunale avgifter, prisar og gebyr