4 Skjenkeløyve
- Alle skjenkestader som skal skjenka alkohol må ha skjenkeløyve.
- Det kan gjevast løyve for alle alkoholgrupper (gruppe 1, eks. øl, gruppe 2 eks. vin og gruppe 3 brennevin).
- Kommunen avgjer søknader om skjenkeløyve, med mindre det vert gjeve statleg løyve etter alkohollova kapittel 5, jf. 1-7.
- Ullensvang kommune har ikkje tak på tal skjenkeløyve.
- Det skal innhentast uttale frå politiet, skatteetaten og sosialtenesta før søknaden vert handsama, slik at løyvemynde kan vurdera om løyvesøkjar og personar som er knytt til verksemda er egna til å ha løyve.
- Det skal vera styrar og avløysar knytt til skjenkeløyvet.
- Styrar og avløysar må dokumentera gjennomført og bestått kunnskapsprøve for skjenk.
- Kunnskapsprøven kan takast på innbyggjartorget i Odda eller Kinsarvik.
- Ein må betala gebyr etter gjeldande satsar for å ta prøven.
- Ved eigarskifte eller vesentlege endringar i driftkonseptet, skal det søkjast om nytt løyve.
- Er det endring av styrar eller avløysar, skal det sendast søknad om godkjenning til løyvemynde (kommunen).
- Alkohollova § 1-7a angjev følgjande moment som kan vektleggjast når ein vurderer søknad om skjenkeløyve:
- Tal skjenkestader
- Staden sin karakter
- Staden verksemda ligg på
- Målgruppa for løyvet
- Trafikk og ordensmessige forhald
- Næringspolitisk omsyn
- Omsyn til lokalmiljøet
Skjenketider
Lik skjenketid alle dagar:
- Gruppe 1 og 2 – kl. 08.00 - 02.00
- Gruppe 3 – kl. 13.00 - 02.00
Det vert ikkje høve til å søkja om utvida skjenketid.