Prøvingsattest
For å inngå ekteskap i Norge, må det vurderast om vilkåra er oppfylt. Dette vert kalla prøving av ekteskapsvilkåra, og vert gjort av folkeregisteret ved ditt regionale skattekontor. På denne bakgrunn, vil det verta skriven ut ein prøvingsattest.
Attesten er kun gyldig i fire månader, og alle spørsmål knytt til prøvinga, må rettast til ditt regionale skattekontor.
Meir informasjon finn du på Skatteetaten: Veien til ekteskapet – steg for steg
Når kan vi gifta oss?
Det vert det ikkje starta sakshandsaming eller bekrefta tidspunkt for vigsel før vi har motteke original prøvingsattest. Denne må leverast fysisk til oss eller sendast per post. E-post er ikkje godkjent.
Hugs at attesten må vera gyldig dagen du skal gifta deg.
Vi utfører vigselen så raskt vi kan, men treng minst 1 veke før vigsel kan verta utført.
Stad for vigsel
- Ullensvang rådhus (Odda)
- Kommunehuset i Jondal
- Kommunehuset i Kinsarvik
Det kan og avtalast vigsel ute eller bruk av andre lokale. Dette vert avklart i samtale med kommunen sin koordinator for vigsel.
Kva dagar kan vi gifta oss?
- Fredagar frå kl. 09.00 – 15.00, med unnatak for lov eller avtalefesta helge- og fridagar som jul, påske, 1. og 17. mai.
- Kvar 1. laurdag i månaden frå kl. 10.00 – 14.00, med unnatak for 1. nyttårsdag, påskeaften, pinseaften, 1. og 17. mai.
Ein kan kome med andre ønskjer. Dette vert avklart i samtale med kommunen sin koordinator for vigsel.
Vigselsrett
- Roald Aga Haug – Ordførar
- Inger Synnøve Vestrheim – Varaordførar
- Ole-Jørgen Jondahl – Rådmann
- Ragnvald Joakimsen – Rådgjevar
- Inger Eitrheim Johansen – Sakshandsamar
Pris
Det er gratis om minst ein av partane er busett i kommunen. Det er òg gratis for folk frå utlandet.