Søk om redusert foreldrebetaling i SFO for elevar 1. – 4. trinn

Inga hushaldning skal betala meir enn 6 prosent av inntekta si for ein SFO-plass. Reduksjonen vert rekna ut i høve timetal i SFO og med utgangspunkt i hushaldninga si samla inntekt.

Les meir om dette i opplæringsforskrifta

Før du søkjer

Før du kan søkja om redusert betaling, må barnet ditt ha fått innvilga plass i SFO. Det er derfor viktig å melda på barnet tidleg, slik at barnet er registrert.

Slik søkjer du

Du søkjer om redusert foreldrebetaling via vår digitale foresattportal. Du loggar på med BankID og du må ha foreldreansvar for eleven du søkjer for.

Når du har logga inn: Vel aktuell elev og klikk på Søknader, finn Søknad om redusert foreldrebetaling.

Logg deg inn i Foresattportalen

Kva skjer vidare?

Du må betala full pris for SFO-plassen(e) fram til søknaden er godkjent. Dersom du får innvilga redusert betaling, vil den gjelde frå månaden etter at søknaden vart innvilga. 

Vert søknaden din godkjent, gjeld vedtaket ut skuleåret. Merk deg at du må må søkja på nytt om redusert betaling kvart skuleår.

For å kunna få innvilga redusert betaling frå 1. august må du ha søkt seinast 31. juli, og du må ha sendt inn all nødvendig dokumentasjon. Viss du ikkje har sendt inn dokumentasjonen i tide blir søknaden avslått, og du må søkja på nytt.

Endring av inntekt

Dersom inntekta i hushaldet vert endra i vesentleg grad gjennom året, må du gje beskjed. Du må då senda inn oppdatert dokumentasjon på den nye inntekta

Definisjon på hushald
Eit hushald er ektefellar, registrerte partnarar eller sambuarar. Sambuarar er to ugifte personar over 18 år, som har felles barn eller har budd saman i eit ekteskapsliknande forhold, i minst 12 av dei siste 18 månadene. Bur barnet fast hos begge foreldra, skal betalinga bli rekna ut frå inntekta til den som har same folkeregistrerte adresse som barnet.