Psykologtenesta er eit lågterskeltilbod til born og unge mellom 0-23 år, familiane deira, og aktuelle instansar kring barnet. Lågterskel betyr at vi ikkje krev tilvising frå lege.
Kva kan du få hjelp til?
Psykologen gir tilbod retta til personar med lette til moderate psykiske vanskar. Det er ein psykologspesialist i tenesta vår. Arbeidet er knytt til psykisk helse og psykososiale problemstillingar. Psykologen arbeider i hovudsak med å rettleia fagpersonar som treff born og ungdom, men treff enkelte gonger born og foreldre direkte.
Psykolog arrangerer barselgrupper og tilbodet er gratis.
Tiltak
- Gruppetilbod – “Barselgruppe med vri”, “Open helsestasjon”
- Kurs i “Godt samliv” og “COS”
- Rettleiing til personalet i barnehagen, både knytt opp mot enkelte barn eller tema
- Foreldrerettleiing/Rettleiing til personale ved skular i «Zippy»
- Rettleiar til personale ved skulehelsetenesta i «Cool kids»
- Deltaking på BTI-møte med personalet i barnehage og foreldre
- Helsefremjande og førebyggjande arbeid og tidleg innsats utgjer hovudarbeidsområda
- Tilgjengelegheit til fastsette tidspunkt for henvendingar frå fagpersonar som arbeider med barn og unge i oppvekstsektor for drøftingar kring psykisk helse
- Inngå i kommunen sitt planarbeid for tidleg og systematisk innsats for helse- og meistringsfremjande læringsmiljø i barnehage og skule.
Slik får du tilbodet
Alle spørsmål til psykolog skjer gjennom kontakt med helsepersonell eller tilsette i skule, barnehage, barnevern, PPT og forvaltningskontor.
Prisar
Tilbodet er gratis