Føremål med tenesta
Landbruksavdelinga har ansvar for å:
- informere og rettleie om regelverk og søknadsprosess
- gje generell rettleiing i forkant, under, og etter handsaming av søknaden din
- sakshandsama søknadar og fatte vedtak om tilskot
- etablera internkontroll for handsaming av søknadar
- førebu eventuelle klager til Statsforvaltaren
Vi skal møte aktørar og publikum med god service og dialog, samt utøve forvaltningsmynde med høg fagleg kvalitet. Forvaltning skjer i samsvar med overordna nasjonale føringar, lover og forskrifter.
Landbruksavdelinga ligg organisatorisk tili verksemda; Byggesak, oppmåling, landbruk og havbruk.
Kva kan du forvente av oss?
Landbruksavdelinga rettleier om spørsmål knytt til forvaltning av landbrukssaker. Vi utformer ikkje søknadar, men kan rettleie i prosessen.
Det er søkjar som er kommunen sin kontaktperson.
Ditt ansvar som søkjar
Du som søkjar har ansvar for at søknad er komplett i samsvar med krav som er for den enkelte sak.
Vårt ansvar
Kommunen skal sjå til at saker er tilstrekkeleg opplyst, og kan be om tilleggsinformasjon. For at saka skal verta godt nok opplyst kan kommunen i enkelte saker stilla krav om fagleg kompetanse for utforming av søknad.
Fristar for sakshandsaming
Alminnelege reglar for sakshandsaming fylgjer av forvaltningslova, når ikkje anna er bestemt i, eller i medhald av lov.
Høyring
Kommunen har ansvar for at saker er tilstrekkeleg opplyst før vedtak vert fatta. Dette kan innebere at saken skal sendast på høyring til intern eller ekstern mynde. Hovudregelen er at høyringsinstansane får ein frist på 4 veker for å koma med uttale. Dersom uttale er nødvendig kan høyringsinstansen sin frist verta forlenga.
Klage
Vedtaket kan klagast på til kommunen. Du har klagerett på vedtak jf. forvaltningslova § 28. Klagefrist er 3 veker frå du har motteke vedtaket. Klaga skal sendast skriftleg til Ullensvang kommune. Det må gå fram at du klagar, kva du klagar på, kva endring du ynskjer, og grunngjeving for dette.
Gebyr
Sjå her for alle kommunale avgifter, prisar og gebyr
All post og e-post skal sendast til oss via kommunen sitt postmottak.
Landbruksavdelinga er tilgjengeleg for spørsmål og rettleiing innanfor vanleg arbeidstid.
Kontakt avdeling for landbruk- og havbruk
Aktuelle lover og reglar
- Jordlova
- Skogbrukslova
- Konsesjonslova
- Viltforskrifta
- Hundelova
- Beitelova
- Akvakulturlova
- Naturmangfaldslova
- Kulturminnelova
- Vassressurslova
- Friluftslova
- Nydyrkingsforskrifta
- Ureiningsforskrifta kap. 4/ (Bakkeplaneringsforskrifta)
- Forskrift om planlegging og godkjenning av landbruksveier
- Forskrift om fysiske tiltak i vassdrag
- Vassforskrifta