Byggesak og oppmåling i kommunen

Forvetningsavklaring

Kva du kan forvente av byggesak og oppmåling

Vi kommuniserer på ein respektfull måte og utøver forvaltningsmynde med høg fagleg kvalitet.

• Førehandskonferanse: Om du har behov for å avklare føresetnader/rammer for planane dine, kan du tinge førehandskonferanse. Det er viktig at du gjev kommunen tilstrekkeleg opplysningar slik at vi får rettleia deg best mogleg. Vi stiller med relevant fagkompetanse og vil ved behov innkalle andre relevante instanser i kommunen for å gje deg best mogleg rettleiing. Du vil få tilsendt referat i etterkant av førehandskonferansen. 
• Byggesakstelefonen: For enkel rettleiing kan du ta kontakt med byggesakstelefonen
• Svar på førespurnader: Vi svarar på alle førespurnadar som gjeld byggesak og oppmåling. Vi ber om at alle henvendingar vert sendt til postmottak@ullensvang.kommune.no slik at det kjem inn i vårt saksbehandlingssystem.
• Tilbakemelding om manglar: Dersom søknaden din har manglar, får du skriftleg tilbakemelding frå oss. Vi ringer ansvarleg søkjar før utsending av mangelbrev. 
• Digitale verktøy: Vi tilbyr gratis bruk av eByggesøk for privatpersonar for å sikre færre feil og raskare behandling.

Våre saksbehandlingstider 

Vi arbeider målretta for å halde saksbehandlingstida så kort som råd, og oppfordrar deg sterkt til å sjå til at du har levert ein komplett søknad. Merk at saksbehandlingstida startar frå det tidspunktet søknaden er komplett jf. plan- og bygningslova (pbl.) § 21-4 (1). 

• 3 veker: For tiltak som er i samsvar med lov og gjeldande planar, utan merknader frå naboar osv. For ferdigattest og mellombels bruksløyve. 
• 12 veker: For ordinære byggesaker, saker som krev dispensasjon, eller saker der andre offentlege styresmakter må uttale seg.

Mynde som skal uttala seg i saker, har etter lova opptil 4 veker på å komme med uttale jf. § 21-5 (3). Om tiltaket krev løyve etter anna regelverk, må dette vere fatta før byggesak har moglegheit til å gje løyve etter plan- og bygningslova.

Kommunen skal som hovudregel gjennomføre oppmålingsforretning og matrikkelføring innan 16 veker jf. matrikkelforskriften § 18.

Kva vi forventar av deg som søkjar

• Kommuniser med sakshandsamar på ein respektfull måte.
• Lever ein komplett søknad: Mangelfulle søknader fører til store forseinkingar og meirarbeid for både søkjar og kommunen. Vi oppfordrar deg difor sterkt til å sjå til at du har levert inn alle relevante opplysningar og dokumentasjon før du leverer søknaden jf. SAK10 kap. 5.
• Svar på manglar innan frist: Vi ber om at du svarar på alle manglane du får tilbakemelding om, og ikkje sender inn all dokumentasjon på ny kvar gong. 
• Sjekk planstatus på førehand: Du må undersøkje kva planar og føresegner som gjeld for din eigedom via kommunekart.com. 
• Bruk ansvarleg føretak: Vi har stor forståing for at plan- og bygningslova er komplisert, og vi oppfordrar dykk difor til å ta i bruk ansvarleg føretak om de har behov for bistand.