Varsling ved kokevarsel

Innbyggarane i kommunen vert varsla på SMS ved utsending av kokevarsel frå verksemda Vatn og avløp. 

Slik finn vi deg

Kontaktinformasjonen din vert henta frå Kontakt- og reservasjonsregisteret til Digitaliseringsdirektoratet.  Du får varsel på den adressa du er registrert på, eller står som eigar av.

Dette vil sei; 

Om du bur ein anna plass enn det som er registrert i Kontakt- og reservasjonsregisteret vil du ikkje få SMS-varsel frå oss.

Eksempel: Du er folkeregistrert i Bergen, men leiger bustad på Utne der du jobber = Du vil ikkje få noko SMS-varsel frå oss.

Tilleggsregister

Tilleggsregister kan du nytta dersom du ønsker å få varslar på ei adresse som du ikkje er registrert med bustadadresse på. Dette kan vera f.eks. jobbadresse, fritidsbustad, foreldre eller andre du har/tek ansvar for.

Slik gjer du det

  1. Logg inn på varslemeg.no
  2. Under Tilleggsoppføring klikk på Ny/Endre oppføring 
  3. Legg inn eige telefonnummer og tast inn kode du mottek på SMS
  4. Klikk på Ny oppføring og fyll inn informasjon i felta
  5. Du kan leggje til fleire adresser om du ynskjer det 

varslemeg.no - Tilleggsregister

Dette får du varsel på

Du vil no få SMS dersom det er kokevarsel, stengt vatn, stengt veg eller andre meldingar kommunen sender ut som påverkar den adressa du har registrert.

Tips! Har arbeidsplassen din faste jobbtelefonar som berre er på arbeidsplassen, kan det og ver greit å dobbelsjekke at desse er registrert på riktig adresse.

Meir informasjon om: Varsling på SMS-, telefon og e-post