Tilskuddsportalen.no på plass

I tråd med Ullensvang kommune sin Frivillig og samspelstrategi som vart vedteken i juni 2025 (PDF, 7 MB) har vi no fått på plass Tilskuddsportalen. Det er eit digitalt oppslagsverk med over 2700 søkbare tilskot i mange ulike kategoriar.

Portalen er delt i to; 

• ein for tilsette i kommunen
• ein for frivillige lag/organisasjonar.

På vedlagte brosjyre ser ein korleis lag og foreiningar går fram for å få tilgang til Tilskuddsportalen.no. (PDF, 2 MB)

Vi har portalen som ei prøveordning for to år, og vil då ta ei evaluering for å sjekke kor mykje den har vore i bruk og generert i kroner for vurdering av vidare abonnement.

Kurs/opplæring

Leverandøren vil halde eit digitalt kurs/opplæring for styremedlemmer frå lag og organisasjonar tysdag 17. februar kl. 18.00 - 20.00.

Bli med å lær meir om korleis søke tilskot og korleis ein skriv ein god søknad. I kurset legg ein vekt på å bygge opp kompetansen til å søke tilskot, og til å arbeide strategisk og langsiktig. 

Kurshaldar Randi Langøigjelten syner korleis Tilskuddsportalen praktisk kan bli brukt som eit effektivt støtteverktøy, og tek også opp metodikk i arbeidet og i utforming av søknader. Kurset vil kunne vere aktuelt for alle som søker tilskot.

Tema på kurset

• Generelt om tilskot
• Korleis finne riktig tilskot til riktig prosjekt til riktig tid
• Bruk av Tilskuddsportalen

Meld deg på kurset her

Denne informasjonen og påmelding til kurset vert og sendt til alle lag/organisasjonar gjennom foreningsportalen iullensvang.org - så hugs å sjekke om de har korrekt kontaktinfo registrert der.

Lukka til i jakta på tilskot!