Privat
Ada er 15 år og oppvaksen i Odda. Ho starta med alpin skisport då ho var 5 år og har vore aktiv konkurranse alpinist i Odda idrettslag heile oppveksten.
Ho har dei siste åra vunne kretscupen i Hordaland skikrets og også levert gode resultat i nasjonale renn. Ho konkurrerer i alle disipliner; slalåm, storslalåm og utfor.
I Hovudlandsrennet U16 leverte ho best samla resultat blant alle løparane. Ada satsar målretta og ønskjer å utvikla seg mot toppnivået innan alpinsporten.
Talentstipendet er på kr. 10 000, og meint som anerkjenning og oppmuntring for dei dyktige talenta våre.
Vi ønskjer deg lukka til vidare med skisatsinga Ada!