Presentasjonar frå folkemøte og ynskjer innspel til revisjon av konsesjonsvilkår for Tyssovassdraget

Norges vassdrags- og energidirektorat (NVE) har opna vilkårsrevisjon i medhald av vassdragsreguleringslova, for følgjande konsesjonar:

  • Kgl.res. av 9. juli 1971: Statsregulering av Tyssovassdraget - Øvre Tyssevatn, Øvre og Nedre Håvardsvatn.
  • Kgl.res. av 25. juni 1982: Statsreg. av Tyssovassdraget - Ytterligere senking av Ringedalsvatn.

Ullensvang kommune er i gang med å utarbeida krav til revisjon av konsesjonsvilkår for Tyssovassdraget. I samband med dette ynskjer kommunen innspel frå dei som har interesser i området.

Hovudføremålet med ein revisjon er å betra miljø- og naturforholda ved å avbøta ulemper og negative verknadar ved utbygginga.

Kva vilkår som kan reviderast

Det er konsesjonsvilkåra som er gjenstand for revisjon. Vilkåra skal kunna justerast slik at produksjonen kan fortsetja på ein meir miljøvenleg måte. Ein kan ikkje endra lengda på konsesjonen, leggja ned heile anlegget eller endra konsesjonen frå tidsubegrensa til tidsbegrensa. Høgaste regulerte vasstand (HRV) og lågaste regulerte vasstand (LRV) i magasina er ein del av sjølve konsesjonen, og ikkje eit vilkår. Desse står difor fast, medan revisjonen kan fastsetja begrensingar i korleis ein manøvrerar mellom desse ulike vasstandane. Aktuelle vilkår for revisjon kan vera krav om minstevassføring, krav til fylling og tapping av magasin (t.d. sommarvasstand), tersklar/vasspegel, biotopjusterande tiltak, tilrettelegging for ferdsel og friluftsliv langs vassdraget m.m.

Det er forholdet til dei ålmenne interessene som er regulert i konsesjonen, og som er gjenstand for revisjon. Verken privatrettslege forhold ovanfor grunneigarar og andre rettshavarar eller økonomiske krav er ein del av revisjonssaka.

Frist for å koma med innspel er 7. september 2025.

Innspel 

Innspel skal merkast: “Innspel Tyssovassdraget” og sendast til:

Ullensvang kommune

Presentasjonar frå folkemøte

Meir informasjon