Dei nye lokala omfattar den tidlegare Fina-stasjonen og bilbutikken ved sida av. Lokala er rehabiliterte og tilpassa drifta av hjelpemiddellageret, med gode tilhøve for oppbevaring, reingjering og forvaltning av hjelpemiddel og velferdsteknologi.
I samband med flyttinga vil hjelpemiddellageret ha redusert kapasitet i veke 31 og 32. Innbyggjarar må difor rekne med lengre ventetid på mellom anna utlevering, innlevering, reparasjon og oppfølging av hjelpemiddel. Det kan òg ta lengre tid enn vanleg å få svar på førespurnader.
Saker som hastar, vil så langt det er mogleg bli prioriterte. Vi oppmodar dei som veit at dei vil få behov for hjelpemiddel i denne perioden, om å ta kontakt i god tid.
Heimesida blir oppdatert med ny informasjon når hjelpemiddellageret er på plass i Skjeggedalsvegen 2 og tilbake i normal drift.
Vi beklagar ulempene flyttinga kan føre til, og takkar for tolmodet og forståinga.