Bakgrunn for høyring
NVE har fått ein søknad frå Småkraft AS, datert 05.10.2021, om løyve til å regulere Halvfjerdingsvatnet 3 meter mellom høgaste regulerte vasstand (HRV) på kote 904,0 og lågaste regulerte vasstand (LRV) på kote 901,0. Normalvasstand er 902,0 moh. For å utnytte restkapasitet i eksisterande elektromekanisk utstyr blir det også søkt om å redusere minste slukeevne frå 150 l/s til 35 l/s, og om å auke største slukeevne frå 980 l/s til 1100 l/s. Foreslått minstevassføring forbi planlagd dam i Halvfjerdingsvatnet er 75 l/s i perioden 01.06 – 31.08. Tiltaket er venta å auke kraftproduksjonen med 2,8 GWh/år.
Søknaden med vedlegg er lagt ut på NVE si nettside
Fråsegner
Alle som har meiningar om saka kan uttale seg.
Fråsegner kan sendast inn via nettskjema på NVE si nettside, per e-post til nve@nve.no eller per post NVE, Energi- og konsesjonsavdelinga, Postboks 5091, Majorstuen, 0301 Oslo. Merk brev eller e-post med «Høyringsfråsegn» og saksnummer 202006063.
Frist for å sende fråsegn er 30.04.2026.