Utval for kultur og levekår vedtok i sak 023/26 2. juni å sende "Fritidserklæring for Ullensvang kommune" på høyring til aktuelle lag og organisasjonar, og å be om innspel til innhald og verkeområde til tilskotsordninga "Fritidskassa".
Utval for kultur og levekår vil òg oppmoda alle aktuelle lag og organisasjonar til vedta den ferdige erklæringa etter høyringsperioden.
Fristen for å kome med fråsegn er 10. august.
Send inn fråsegn
Fritidserklæring
Ei fritidserklæring er ein intensjonsavtale mellom partane som har signert den om at barn og unge har rett på ein fritid, og at partane skal fremja retten dei har til å delta i leik og fritidsaktivetar.
Alle kommunar og fylkeskommunar er oppmoda til å lage sine eigne fritidserklæringar av regjeringa. Regjeringa signerte den nasjonale fritidserklæringa i 2016 og på ny i 2022 saman med mellom anna fleire departement, KS og organisasjonar som har aktivitetar retta mot barn og unge.
Fritidserklæringa [for Ullensvang] er ein visjon om at barn og unge i Ullensvang kommune skal få høve til å delta i organiserte fritidsaktivitetar uavhengig av foreldre og føresette sin sosiale eller økonomiske situasjon, eller sine eigne forutsetningar.
Fritidskassa
Fritidskassa er tenkt som ein lågterskel, ubyråkratisk tilskotsordning som skal bidra til at alle barn og unge i Ullensvang skal jamleg delta på minst ein fritidsaktivitet saman med andre.
Det kan vera fristane å ta ein blåkopi av noko som fungerer godt i ein annan kommune, men for denne type tilskotsordningar har ein sett at det som fungerer i ein kommune ikkje automatisk fungerer i ein annan. Det er derfor viktig at me får innspel frå dei lag og organisasjonar som driver aktiviteten, og som veit kor skoen trykker.
Spørsmål?
Spørsmål kan rettast til Arnved Soldal Lund - arnved.lund@ullensvang.kommune.no