Vedlikehald kommunale vegar og -parkar

Drift og vedlikehald av kommunale vegar og -parkar vert vareteken av kommunen sine tilsette ved verksemd for Veg og park, og innleigde entreprenørar gjennom driftsavtalar.

Vi jobbar mykje førebyggande for å hindra uønska konsekvensar ved varsla nedbør, som kan medføra flaum, skred og stengde vegar. 

Les om vintervedlikehald

Kva kan du forventa av oss?

• At vegane skal vera framkomelege for fotgjengarar og køyretøy
• At kommunen sine veglys blir drifta og haldne ved like
• At gate- og parkområde blir vedlikehalde
• At kommunale plassar og parkområde er reine og ryddige
• At verksemda legg til rette for gode system for melding av feil på vegnett, veglys og parkområde og prioriterer saker
• Utbetring av akutte feil på kommunale veg og park anlegg
• At tilsette i verksemda møte deg som aktørar og publikum med god service, dialog og utøvar forvaltningsmynde med fagleg kvalitet
• At saksbehandling etter veglova sikrar at tiltak blir i samsvar med lov, forskrift og planvedtak. Veg og park er høgringinstans for saker etter plan- og bygningslova

Kva forventar vi av deg som brukar av tenesta?

• At både fotgjengarar og køyretøy er skodde etter vêr- og køyreforhold
• At du ikkje parkerer slik at du er til hinder for trafikken, for snøbrøyting eller anna arbeid på veg
• At du ved vanskelege forhold viser forståing
• At du fjernar vegetasjon som heng ut over vegen frå din eigedom
• At det er frie siktsoner i din private avkjørsle
• At du ivaretek overvatn frå din eigedom
• At du ikkje måkar snø frå eigen tilkomst/gardsplass ut på vegen