Torgplass

Her finn du informasjon om korleis du går fram om du ønsker å leige torgplass i Odda, Kinsarvik og på Lofthus. Du finn også våre vilkår for utleige av plass. 

Sist endra 22.09.2026 13:54

Slik gjer du avtale

Du søker digitalt til kommunen om å få leige torgplass. 

Søk her om å få leige torgplass

Prisar

  • Torgplass: kr. 385 per dag / Straum kr. 75,- per dag
  • Torgplass - sesongleige: kr. 199,- per dag / Straum kr. 65 per dag
  • Torgplass - årsleige: kr. 14 045,- / Straum kr. 65 per dag for 12 mnd à 2-3 dagar per veke

Sjå her for alle kommunale avgifter, prisar og gebyr

Betaling

Torgleiga kan betalast med kort eller kontant på innbyggjartorget på rådhuset i Odda. Du kan også gjera avtala om å få tilsendt faktura.

Generelle vilkår for torgleige i kommunen

  1. Politiforskrift og offentlege reglar
    • Leigetakar pliktar å setje seg inn i og følgje Politiforskrifta for Ullensvang kommune.
    • Leigetakar er sjølv ansvarleg for å innhente eventuelle andre naudsynte løyve (t.d. serveringsløyve eller godkjenning frå Mattilsynet).
  2. Bruk av plassen og tilvising
    • Plassen skal berre brukast til det formålet som er oppgitt.
    • Opprigging skal berre skje på det spesifikke arealet som er tilvist av Veg og park. Det er ikkje tillate å utvide salsområdet utover dette.
    • Framleige til andre er ikkje tillate.
  3. Reinhald, eiga renovasjonsløysing og avfall (jf. Politiforskrifta § 5-2)
    • I tråd med politiforskrifta § 5-2 skal den som driv med sal frå kiosk, uteservering, gatesal o.l. sørgje for at området ikkje blir skjemt eller skitna til av verksemda.
    • Leigetakar pliktar å ha si heilt eiga renovasjonsløysing og setje opp tilstrekkeleg tal med eigne korger for avfall. Dette kravet er absolutt og gjeld uansett leigeperiode, også ved timeutleige.
    • Det er ikkje tillate å nytte kommunen sine offentlege bosspann til næringsavfall eller avfall frå verksemda sine kundar.
    • Opprydding: Rett etter stengjetid/leigetid pliktar verksemda å rydde området og fjerne alt avfall som skuldast aktivitetar frå verksemda (jf. § 5-2).
    • Ved mangelfull opprydding kan kommunen krevje eit eige oppryddingsgebyr.
  4. Straum og vatn
    • Tilkobling til straum og vatn må avtalast særskilt. Utstyret som nyttast (t.d. kablar) skal vere godkjent for utandørs bruk og ikkje vere til hinder for ferdsel.
  5. Brannsikring og tryggleik
    • Leigetakar er sjølv ansvarleg for brannsikring i eigen salsbod, vogn eller telt.
    • Ved bruk av gass (t.d. propan), open eld, frityr eller varmekjelder, skal det vere eigna og godkjent brannsløkkingsutstyr (t.d. pulverapparat og/eller brannteppe) lett tilgjengeleg på plassen.
    • Alt gassutstyr skal vere godkjent, og slangar må vere utan feil eller manglar.
    • Salsbodar og utstyr må plasserast slik at dei ikkje sperrar for rømmingsvegar eller køyrevegar for brannvesen og utrykkingskøyretøy.
  6. Trafikk og parkering
    • Påkøyring for av- og pålessing er tillate, men køyretøy skal deretter flyttast og parkerast på ordinære parkeringsplassar, med mindre køyretøyet er godkjent som ein integrert del av salsboden.
  7.  Misleghald og bortvising
    • Dersom vilkåra vert brotne, inkludert manglande overhald av brannsikring, politiforskrift eller krav til eiga renovasjonsløysing, har representantar frå kommunen eller politiet rett til å vise leigetakar bort frå plassen med umiddelbar verknad.

Spesielt for torgplass i Odda

  • Inn- og utkøyring skal skje frå vest på nordsida av Torget 2/4. Området er skilta med innkøyring forbode, unntak er torghandlar med avtale.
  • Akseltrykk er sett til 6 tonn
  • Plassering av torgbilane skal i mest mogeleg grad stå i aust/vest retning. Benkane skal ikkje brukast til oppstilling av varer, og torgbilane må plasserast så langt frå benkane at dei kan nyttast av publikum.
  • Det er tilgang til straum i kvar ende av langsgående rabatt med hekk, og vatn i høgre ende ved vassrenna. Det trengst nøkkel til straumskap, avtal ved tinging av plass.

Viktige lenkjer