Ofte stilte spørsmål om/til vatn og avløp

• Reint drikkevatn
• At du mottek meldingar som påverkar drikkevatnet, f.eks. kokevarsel, varsel om kloring, vatnet er vekke, og forventa tidsrom. (Men du står sjølv ansvarleg for at du er registrert med rett informasjon for SMS-varsel)
• Svar på henvendelsar som berører din bustad, fritidsbustad eller næringslokale
• Avløpsvatnet vert riktig handtert
• At overvatn ikkje skal laga unødvendige problem
• Utbetring av akutte feil på kommunal infrastruktur
• At tilsette i verksemda møter deg som aktør og publikum med god service, dialog og utøver forvaltningsmynde med fagleg kvalitet
   

• At private stikkleidningar vert kontrollert og utbetra ved lekkasjar.
• At du gir oss mogelegheit til å utbetre feil på anlegg og det kommunale nettet, sjølv om dette kan påverke vassforsyninga di.
• At du ved vanskelege forhold viser forståing for at arbeidet tek lengre tid.
• At du les meldingar som vert sendt ut frå kommunen.

Vi vil gje eit førebels svar innan 14 virkedagar for søknader som kjem via kommunen sitt postmottak og vert ført i saksbehandlingssystemet.    

Vi har som mål å behandle søknader og høyringar innan 3 veker. Opplysning om klageadgang skal følge vedtak.

Utbetring av akutte feil på kommunale anlegg innan 24 timer.

Mange norske vassverk bruker klor til desinfeksjon av drikkevatnet. I Noreg har vi forholdsvis reint råvatn og tilset mindre klor til vatnet enn i mange andre land. Derfor er det sjeldan at vi har vesentleg klorsmak av vatnet. 

Dei mengdene klor som blir brukt i norske vassverk er ikkje helseskadelege. Litt klorsmak av og til viser at vasskvaliteten er under kontroll. 

Om det plutseleg oppstår kraftig og vedvarande klorsmak på vatnet, kan ein ringa vassverket/kommunen for å få informasjon om årsaka til endringa.

Viss du får vatn frå eit godkjent vassverk, vil det ha tryggleik som omfattar heile kjeda frå vasskjelde, via vassbehandling og leidningsnett til abonnenten for å ta vare på at det alltid blir levert god vasskvalitet.

Vassverket/kommunen tar regelmessige prøvar av vatnet etter krav i drikkevassforskrifta. Dersom vasskvaliteten av ein eller anna grunn skulle blir for dårleg eller vesentleg endra, er vassverket/kommunen pliktig til å opplysa abonnentane om dette.
 

Som regel er grunnen at ein har spylt leidningar i nærleiken eller gjort planlagde endringar i vasstraumen til forsyningsnettet. Då losnar ev. innvendig belegg i leidningane, og dette kan gje grumsete og misfarga vatn.

Slike planlagde tiltak blir normalt varsla på førehand og er normalt ikkje helseskadeleg, men kan gje ulemper som misfarga tøy ved klesvask m.m.

Dersom det plutseleg oppstår misfarga vatn eller andre kvalitetsendringar på vatnet, kan du opna alle kranar og spyla ut nokre minutt. Det kan uansett vera lurt å opna alle kranar for å spyla ut ev. samlingar av slam i det private leidningsnettet.

Som kunde har du høve til å be vassverket/kommunen om informasjon om drikkevasskvaliteten. 

Viss det oppstår forhold som kan medføra helsemessig risiko eller vesentlege endringar i drikkevasskvaliteten, skal vassverket/kommunen informera mottakarar av vatnet om dette og om moglege forholdsreglar dei bør ta. Kommunen/vassverket har eit internkontrollsystem for å ta hand om slike situasjonar, oppdaga feil på vassforsyninga og varsla feil til mottakarane av vatnet.

Du kan og registrera deg sjølv på feks jobbadresse, hytta eller foreldre si adresse på varslemeg.no, då vil du og få meldingar som gjeld dei aktuelle adressene. 

Les meir om Varsling på SMS-, telefon og e-post her.