Kvart år vert det gjort ei avrekning av innbetalt gebyr i forhold til forbruk (avlest vassmålarstand).
Når skal du lesa av
Vassmålaren skal lesast av kvart år i desember. Du skal rapportera inn målarstanden når du får SMS eller avlesingskort.
Dersom du ikkje er heime, hugs å notera vassmålarstand før du reiser og svar når du får SMS-varsel eller rapporter inn målarstanden til oss før du reiser.
For denne vassmålaren er korrekt rapportert målarstand 623.Korleis lese av?
- ikkje ta med raude tal
- ikkje ta med tal bak komma
Ved feilavlesing av vassmålarstand via SMS eller internett kan du gjera ei ny avlesing. Det er den siste rapporterte vassmålarstanden gjelder.
Du kan ikkje få utsett svarfrist for vassmålaravlesing. Kommunen vil stipulera forbruket ut frå tidlegare forbruk og rekna ut gebyr på bakgrunn av dette. Kommunen kan krevja kontroll av vassmålaren.
Korleis rapportera
Om du får tilsendt SMS svarar du på denne.
Dei som ikkje får SMS, vil få tilsendt avlesingskort og har følgjande val:
- registrere vassmålarstanden på leseav.no
- returnere svarslipp til kommunen
Er du registrert som mottakar av varsel for fleire vassmålarar, vil du få SMS varsel per vassmålar.
Vanleg forbruk for ein vaksen person per år er mellom 40 – 60 m³. Vassforbruket vil variere etter bruk og tal på personar som brukar huset/bygget.
Omrekningsfaktor frå m² til m³ er 1,2. Det vil seie at dersom huset ditt har eit bruksareal på 120 m², betalar du for 120 m² * 1,2 = 144 m³. Brukar du mindre vatn enn 144 m³ vil det i lengd svara seg med vassmålar.
Omrekningsfaktor frå m² til m³ er 1,2.
Det vil seie at dersom huset ditt har eit bruksareal på 120 m², betalar du for 120 m² * 1,2 = 144 m³.
Brukar du mindre vatn enn 144 m³ vil det i lengd svara seg med vassmålar.
Dei som vil ha vassmålar tek kontakt med (valfri) røyrleggjar for å få installert vassmålar.
Røyrleggjar sender inn skjema til kommunen med alle opplysningar vi treng etter installasjon. Vi legg så inn opplysningane i vårt system slik at gebyr m.m. vert rett.
Skjema: Registrering av ny vassmålar
Ved eigarskifte
Ullensvang kommune gjer ikkje sluttoppgjer for vassmålar eller restansar på kommunale gebyr ved eigarskifte. Eigarskifte som skjer midt i ein termin, er ei sak mellom kjøpar og seljar. Me registrerer ny eigar når me får melding om tinglysinga. Det er den registrerte eigaren som til ei kvar tid er ansvarleg for gebyra på eigedomen.
Fritak for vass- og avløpsgebyr
Du kan søkja skriftleg om å sleppa gebyr dersom den gebyrpliktige bygningen blir kopla frå vassnettet. Du må rapportera målarstanden når du søkjer, og du må framleis lesa av vassmålaren kvart år sjølv om du har fritak.
Søk om fritak for slam-, feie-, vass- og avløpsgebyr