Plastinnsamling

Renovasjonstenesta har plastinnsamling i Tyssedal, på Freim og Ragde for kvar husstand. Samt alle husstandar som har eigne avfallsdunker. 

Sist endra 30.06.2026 10:27

Levering av plastavfall

Husstander i Tyssedal, på Freim og Ragde samlar plast i blanke sekkar og set dei ut på næraste samleplass torsdagar i oddetalsveker. Plasser ut plastavfallet ditt før kl. 07:00 dei dagane det er henting. 

Husstandar med eigne avfallsdunker leverer plast saman med papirdunken.

Viktig!

Hugs å knyt sekken med plast, og plasser den på ein slik måte at den ikkje blir tatt av vinden.

Kva kan skje når plastsekken vert sett ut til feil tid?

Fuglar eller andre skadedyr kan riva opp sekken og dra ut søpla, og avfallet vert så spreidd rundt i nærområdet 👎🏻

Ny rull til plastemballasje

Når du går tom for plastsekkar kan du henta deg nye på: 

  • Lindenes- og Kinsarvik miljøstasjon
  • Innbyggjartorget på rådhuset i Odda
  • Kommunehuset i Kinsarvik

Dei som har eigne avfalldunker kan henge merke på dunken der dei ber om ny rull. 

Dersom du er der når ein av renovasjonsbilane kjem forbi, kan du òg spørje om å få ein ny rull.

Slik sorterer du plastemballasje

Slik gjer du det

  1. Hugs at emballasjen må vere rein og tom. Skyl den i kaldt vatn, bruk gjerne sleikepott eller oppvaskbørste for å gjere den rein.
  2. Vert plastemballasjen ikkje rein i kaldt vatn, kastar du det i restavfallet.

NB! Ikkje bruk bioposar – dei skal berre brukast til matavfall!

Ja takk

  • Plastposar
  • Plastbeger, -boksar og -brett frå matvarer, t.d. skinkepålegg, kylling, kjøttdeig o.l
  • Plastflasker og -kanner for sjampo, dressing, vaskemiddel o.l.
  • Blomsterpotter og -brett i plast
  • Plastemballasje for elektriske og elektroniske produkt.

Nei takk

  • Plast som ikkje er emballasje
  • Tilgrisa plastemballasje
  • Plastemballasje med papir eller aluminiumsbelegg
  • Plastemballasje som har innehalde farleg avfall, skal leverast på gjenvinningsstasjonen
  • Store gjenstandar
  • Stroppeband og vedsekkar
  • Isopor