Renovasjonsabonnement privathushald

Alle private hushald må ha eit renovasjonsabonnement. Du er sjølv ansvarleg for å bestilla dette om bustaden din ikkje har det.

Tinging av abonnement

Har du ikkje renovasjonsabonnement? Ta kontakt med oss per telefon eller e-post. Kontaktinformasjon finn du nedst på sida.

Prisar og informasjon om abonnement

Nokre husstandar har returpunkt (samleplassar) der dei leverer avfall, medan andre har eigne avfallsdunkar. Kva ordning som gjeld for deg er avhengig av kor du bur.

Returpunkt (samleplass)

Denne ordninga gjeld for husstandar til høyrande:

Tidlegare Odda kommune

Renovajson lite- eller stort hus

For deg som leverer avfall på returpunkt (samleplassar) vert abonnementet bestemt ut frå tal rom i bustaden.

Renovasjon lite hus = to rom og kjøkken.
Renovasjon stort hus = meir enn to rom og kjøkken

Du må sjølv passe på at du er plassert i rett kategori. Dersom bustaden din er registrert med feil i matrikkelen, må du melde frå til oss.

Tips! Sjekk kva som står på den siste fakturaen din. Ved å melde frå om feil no, sikrar du at du betalar korrekt pris framover.

Kva kan du forvente av oss

Regelmessig tømming
Vi sørgjer for at felleskontainarane vert tømde før dei vert overfylte, basert på faste ruter og behov.

Drift og vedlikehald
Vi har ansvar for at tømmesystemet fungerer teknisk, og at rammene rundt kontainarpunktet er i god stand.

Reinhald av punktet
Vi utfører periodisk reinhald av sjølve kontainarane og området umiddelbart rundt for å sikre eit triveleg nærmiljø.

Feilretting
Ved teknisk feil på nedgravde system eller skade på kontainare, skal utbetring starte snarast råd etter at avvik er meldt.

Kva vi forventar av deg

Kjeldesortering
Det er avgjerande at du brukar rett behaldar/kontainar til rett avfall. Feilsortering i fellesløysingar skapar store problem for gjenvinninga og kan føre til brann og lukt.

Ingen lause posar med unntak av posar med plastavfall
Alt avfall skal leggjast heilt inn i kontainaren. Det er strengt forbode å setje frå seg posar, pappøskjer eller anna avfall på utsida eller oppå kontainaren. Dette tiltrekkjer seg skadedyr og skapar forsøpling. Forsøpling kan bøtlegast.

Grovavfall
Fellesløysingane er berre for vanleg hushaldsavfall. Store gjenstandar (møblar, kvitevarer, bygningsavfall) skal leverast direkte til miljøstasjon.

Plassering av bil
Pass på at du ikkje parkerer slik at du hindrar renovasjonsbilen i å kome til for å tømme kontainarane.

Kontainar for papir og kartong
Kontainare for papir og kartong er berre rekna for vanleg hushaldningsavfall og mindre emballasje. Større papp (som esker frå møblar, kvitevarer o.l.) skal leverast på miljøstasjonen, det er heilt gratis å levere og sikrar at kontainarane ikkje vert fulle med ein gong.

Pris

Hushaldningsrenovasjon
Gebyr	Eining	Sats	Merknad
Renovasjon lite hus	per eining/år	4 870	inkl. mva
Renovasjon stort hus	per eining/år	6 201	inkl. mva
Småhushald med kompostering	per eining/år	3 649	inkl. mva
Normalhushald med kompostering	per eining/år	5 112	inkl. mva

Sjå her for alle kommunale avgifter, prisar og gebyr

Posar til plast- og matavfall

Du kan henta deg rull med matavfallsposar på rådhuset i Odda (innbyggjartorget), Coop Odda og Rema 1000 (Sørfjordsenteret), samt ved våre miljøstasjonar.

Hugs: Matavfallsposar har kort haldbarheit så ta ein rull om gongen.

Eigne avfallsdunkar

Denne ordninga gjeld for husstandar til høyrande:

Tidlegare Jondal kommune
Tidlegare Ullensvang herad

Små- eller normalhushald med kompostering

Her er det eigne avfallsbehaldarar, og du bestemmer abonnement ut frå tømmefrekvens for restavfallet.

Småhushald = Henting av restavfall 1 gong per måndad
Normalhushald = Henting av restavfall kvar 14. dag

Kva kan du forventa av oss

Regelmessig tømming
Vi tømmer avfallet ditt i henhald til gjeldande tømmekalender. Du finn oppdatert plan på nettsida vår (PDF, 2 MB) og i appen MinRenovasjon.

Varsling
Vi varslar om planlagde endringar i tømming ved heilagdagar eller ved uføre som gjer at vi ikkje kjem fram.

Kvalitet og miljø
Vi sørgjer for at avfallet blir handtert på ein miljømessig forsvarleg måte og frakta til godkjende mottak for gjenvinning.

Kva forventar vi av deg

Plassering på tømmedag
Behaldarane må setjast fram til vegkanten seinast kl. 07:00 på tømmedagen. Opninga skal vende mot vegen.

Tilkomst og vintervedlikehald
For at renovasjonsbilen skal kome fram, må vegen vere køyregod. Om vinteren må det vere brøyta og strødd kring behaldarane og på køyrevegen.

Riktig sortering
Avfallet skal sorterast etter gjeldande instruksar. Loket på behaldaren skal kunne lukkast heilt. Vi hentar ikkje avfall som ligg utanfor behaldaren med mindre det er inngått eiga avtale om dette.

Vedlikehald
Du har sjølv ansvar for å vaske behaldarane dine for å førebyggje lukt og utøy (som fluger og larver m.m.)

Pris

Hushaldningsrenovasjon
Gebyr	Eining	Sats	Merknad
Renovasjon lite hus	per eining/år	4 870	inkl. mva
Renovasjon stort hus	per eining/år	6 201	inkl. mva
Småhushald med kompostering	per eining/år	3 649	inkl. mva
Normalhushald med kompostering	per eining/år	5 112	inkl. mva

Sjå her for alle kommunale avgifter, prisar og gebyr

Posar til plast- og matavfall

Ved å henge lapp på avfallsdunken din ved levering av avfall legg vi igjen rull med plast- eller matavfallsposar. Ferdige lappar kan du få ved miljøstasjonane våre, på Bunnpris (Lofthus), Spar (Kinsarvik, Nå og Jondal), kommunehuset i Kinsarvik og på innbyggjartorget i Odda.

Du kan og henta deg rull med plast- eller matavfallsposar på kommunehuset og miljøstasjonen i Kinsarvik.

Endring, fritak og klage

Endring av abonnement

Fritak for renovasjonsgebyr

Klage på vedtak

Dersom du søker om noko (til dømes fritak frå renovasjonsgebyr, eller endring i behaldarstorleik) og får avslag, har du rett til å klage:

Klagefrist: Fristen for å klage er 3 veker frå du tok imot vedtaket.
Slik klagar du: Klagen skal sendast skriftleg til Ullensvang kommune.
Vidare gong: Dersom kommunen ikkje tek klagen til følgje, blir saka sendt vidare til den kommunale klagenemnda for endeleg avgjerd.

Ullensvang kommune