Endring av abonnement
Vil du å endra eksisterande abonnement frå f.eks. Renovasjon lite hus til Renovasjon stort hus kan du gjera dette sjølv via vårt digitale skjema.
Plikt til å melde endring
Eigaren har plikt til å melde frå om endringar som påverkar gebyret. Om eigaren ikkje gjer det, kan kommunen etterfakturere gebyr for inntil tre år tilbake.
Eigar har plikt til å melde frå om tilhøve som medfører endringar i gebyret. Dersom det viser seg at eigar ikkje har meldt frå om gebyrpliktige abonnementseiningar eller endring i gebyrplikta som medfører endring i gebyret, kan kommunen ileggja gebyr for inntil tre år før tilhøvet vart oppdaga/registrert.
Søk om endring av abonnement eller fritak for renovasjonsgebyr
Reduksjon av gebyr
Heilårsbustad som blir nytta som sekundærbustad/fritidsbustad
Alle eigarar av heilårsbustad, uansett bruk, betaler i utgangspunktet gebyr som for ordinær privat bustad.
Det er høve til å søkje om reduksjon opp til 50% av gebyret, dersom bustaden vert nytta som sekundærbustad/fritidsbustad.
Lang avstand til henteplass (gjeld abonnentar med eigne behaldarar)
Dersom du har lang veg til henteplass kan du søkje om å få redusert gebyr. Reduksjonen er på 50% av ordinært gebyr. Dette gjeld alle som har meir enn 500 meter til henteplass. Avstand til henteplass må dokumenterast.
Slik reduksjon i gebyr gjeld ikkje hytter, stølar, fritidsbustader osv.
Fritak frå gebyr
Eigar av bustadhus som vert ståande tomt i minimum 3 månader kan søkja om fritak. Fritak kan gjevast for inntil 1 år. Fritak gjeld frå termin etter at søknad er motteke. For å få samanhengande fritak må ny søknad sendast kommunen 1,5 månad innan tidlegare fritak går ut.
Eigar er pliktig til å melde frå skriftleg til kommunen dersom grunn for fritak opphøyrer. Foreldelsesfristen er 3 år jf. foreldelseslova §2. Innvilga søknad om fritak har ikkje tilbakeverkande kraft.
Søk om endring av abonnement eller fritak for renovasjonsgebyr