Forskrift om utslepp frå mindre avløpsanlegg – med kommentarar

  1. 1 Føremål
  2. 2 Verkeområde for lokal forskrift
  3. 3 Definisjonar
  4. 4 Krav til avløpsnett
  5. 5 Krav til reinseeffekt/ utsleppskrav
  6. 6 Avløp i driftsbygningar
  7. 7 Krav til anlegg og dokumentasjon av reinsegrad
  8. 8 Krav til prosjektering og utføring av reinseanlegg
  9. 9 Krav til drift og vedlikehald
  10. 10 Særskilde utsleppsreglar for fritidsbustader
  11. 11 Krav til rammeplan
  12. 12 Utsleppstad
  13. 13 Lukt
  14. 14 Tilsyn og kontroll
  15. 15 Iverksetjing
Til dokumentforside Last ned som PDF
Førre kapittel Neste kapittel

5 Krav til reinseeffekt/ utsleppskrav

§ 5. Krav til reinseeffekt/ utsleppskrav

Sanitært avløpsvatn med utslepp til innland/ferskvassresipientar skal minst rette seg
etter følgjande krav til reinsing:

  • Parameter: Total fosfor (Tot-P)
    • Maksimum utsleppskonsentrasjon: <1,0 mg/l
    • Tilsvarande prosent reinsegrad: 90 %
  • Parameter: Organisk stoff (BOF5)
    • Maksimum utsleppskonsentrasjon: <25 mg/l
    • Tilsvarande prosent reinsegrad: 90 %

Sanitært avløpsvatn med utslepp til sjø/fjord skal minst rette seg etter følgjande krav til reinsing:

  • Parameter: Suspendert stoff (SS)  
    • Maksimum utsleppskonsentrasjon: 180 mg SS/l
    • Tilsvarande prosent reinsegrad: 20 %

Der det er særskilde brukarinteresser (fiske, bading, drikkevatn osv.) som vert råka, kan det stillast strengare krav.

Dersom det berre vert sleppt ut gråvatn, skal gråvatnet gå gjennomgå reinsing med godkjende reinseløsningar/ krav som beskrive i § 7.

Kommunen kan setja krav om etterpolering etter individuell vurdering. (f.eks etter minireinseanlegg, gråvassreinseanlegg mm).

Kommentar til § 5

Sanitært avløpsvatn med utslepp til innland/ ferskvassresipientar (følsamt og normalt område), skal minst etterkomme følgjande krav til reinsing (krav A, B eller C):

A: Ved brukarinteresser / brukarkonflikter: 

  • Parameter: Total fosfor (Tot-P)
    • Svarar til prosent reinsegrad: 90 %
  • Parameter: Organisk stoff (BOF5)
    • Svarar til prosent reinsegrad: 90 %

B: Fare for eutrofiering:

  • Parameter: Total fosfor (Tot-P)
    • Svarar til prosent reinsegrad: 90 %
  • Parameter: Organisk stoff (BOF5)
    • Svarar til prosent reinsegrad: 70 %

C: Verken fare for eutrofiering eller brukarinteresser: 

  • Parameter: Total fosfor (Tot-P)
    • Svarar til prosent reinsegrad: 60 %
  • Parameter: Organisk stoff (BOF5)
    • Svarar til prosent reinsegrad: 70 %

Oversikt med krav til reinseeffekt er henta frå forurensningsforskriften kapittel 12

Vassdraga i Ullensvang er i generell god tilstand.

Det vart innleiingsvis vurdert om kommunen skulle delast inn i ulike soner med ulike reinsekrav. Administrasjonen er av den oppfatninga at det er brukarkonflikter/ brukarinteresser i alle kommunen sine område der det også er busetnad.

Med brukarinteresser meiner ein til dømes interesser knytt til drikkevassforsyning, rekreasjon og næringsverksemd. Rekreasjon omfattar mellom anna badeplass, leikeplass og områder for vassport. Døme på næringsverksemd er vatning av jordbruksareal.

Kommunen har ikkje oversikt over alle brukarinteressene (til dømes plassering av privat vassforsyning) og ønskjer av den grunn at alle private reinseanlegg i innland/til ferskvassresipientar skal rette seg etter det strengaste kravet til reinsing (gruppe A).

På bakgrunn av resipienttilstand, og for at det skal vere mogleg å følgje opp om reinseanlegga fungerer tilfredsstillande, er det sett krav til maksimum utløpskonsentrasjonar i lokal forskrift.

Førre kapittel Neste kapittel