SFO ved Røldal skule

Opningstid

Morgontilbod kl. 07:00 – 08:30 kvardagar
Tilbod etter skuletid:
- Måndag til torsdag kl. 13:05 - 16:15
- Fredag kl. 12:20 - 16:15
SFO er stengt jule- og nyttårsafta og planleggingsdagar
Onsdag før påske stenger SFO kl. 12.00

SFO er open alle skuleferiar om det er behov. Vi sender ut informasjon til føresette i førekant.

Byteklede
Det er viktig at borna har byteklede tilgjengelege i garderoben då vi er ute kvar dag.

Ta med kle som passar til veret den dagen. Det er ikkje kjekt å gå våt eller kald, verken på tur eller i leik på skuleplassen.

Frukost og mat
Borna kan ete frukost på SFO.

Borna kan oppbevara pålegg og knekkebrød på SFO om dei ikkje har med niste. Dei fleste er svoltne på ettermiddagen, så me set oss ned og et etter skuletid.

SFO-tilbodet

SFO er eit frivillig omsorgs- og aktivitetstilbod. Tilbodet gjeld born i 1. – 4. klasse og born med særskilde behov i 5. – 7. klasse. Innhaldet skal pregast av barnet sitt behov for leik, kulturaktivitetar og sosial læring. Innhaldet i ordninga er elles i samsvar med opplæringslova.

SFO Røldal skule - Årsplan 2025 - 2026

Innleiing

SFO er eit fritidstilbod der barna skal få gode høve for sosial og kulturell utfalding gjennom leik og aktivitetar før og etter skuletid.

På SFO ved Røldal skule er det no 13 barn. Me deler lokale med 1. og 2. klasse og har tilgang til skulen sine fasilitetar.

Uteområdet som SFO nyttar på baksida av skulen er stort og i dagleg bruk. På ettermiddags-SFO har me også høve til å bruke framsida på skulen.

Årsplanen vår byggjer på viktige prinsipp som er lagt til grunn i den nasjonale rammeplanen, opplæringslova og lokale vedtekter. Årsplanen skal vere ein reiskap og eit styringsorgan for dei tilsette og eit informasjonsdokument for foreldre og føresette i SFO.

Visjonar og mål

Ein skule for kunnskap, dugleik, tryggleik og trivsel, er ein felles visjon for Røldal skule. Kvar enkelt elev skal få oppleva meistring og utvikling, saman med andre elevar og vaksne. Me styrkjer sjølvkjensla gjennom leik og samspel.

Målet er å skape eit varmt og inkluderande miljø, der det er rom for og plass til alle. Kvar enkelt skal kjenna seg sett og anerkjent for den dei er. Dei skal omgåast vaksne som er støttande, viser omsorg og empati. Barna skal oppleve at dei vaksne lyttar, møter dei kjenslemessig, hjelper dei med regulering og til å takle motgang. Saman skal me øve på å setje ord på eigne kjensler og løyse konfliktar på ein god måte. Me skal ivareta barna sine behov og ønskje, og på det grunnlaget skape ein meiningsfull SFO. Ein SFO som gjev rom for både sjølvvald leik og tilrettelagde aktivitetar.

Leik, aktivitet og læring

Leiken er ein viktig arena for utvikling av venskap, samhandling og fellesskap. Det er gjennom leiken barn bearbeidar kjenslene og opplevingane sine og prøver ut erfaringane sine. Barn har ulike føresetnader for å delta i leiken, det er difor viktig at dei vaksne er tett på, for å støtta og hjelpa dei som treng det. Me vaksne må vere både observatørar og aktivt deltakande i barna sin leik, for å bidra til at alle får ei oppleving av å høyre til. Barn må oppleva likeverd, det føreset respekt for ulikskap og anerkjenning av mangfald. På SFO er det stort rom for den frie leiken både ute og
inne.

Gjennom leik og aktivitetar vil me dagleg stimulera til undring, kreativitet og det å vera nyfikne. Det er gjennom leik, aktivitetar og i samspel med andre læring skjer. Det skal skapast eit miljø som blir opplevd som trygt og føreseieleg, som fremjar både fysisk og psykisk helse. Dette er i samsvar med opplæringslova:

“Alle barn i SFO har rett til eit trygt og godt miljø som fremjar helse, trivsel og læring, jf. opplæringslova § 12-2. SFO skal ikkje godta krenkjande oppførsel, som til dømes mobbing, vald, diskriminering og trakassering og skal arbeide kontinuerleg førebyggjande for at alle elevane skal ha eit trygt og godt skolemiljø etter § 12-3. SFO skal følge opp aktivitetsplikta etter § 12-4.

Aktivitetsplan for SFO 2025-26

August - september

Merknad til perioden:
- SFO planleggingsdagar 11., 12. og 13.august.
- Skulen byrjar 14. august
Tema: Venskap
Aktivitetar:
- Tilhøyring og inkludering
- Leikar både ute og inne
- Bli kjent på nytt att etter sommaren

Oktober - november

Merknad til perioden:
- Haustferie veke 41
- 10.11.25 - Planleggingsdag > SFO er stengt.
Tema:
- FN dagen
- Halloween
- Blimedansen
Aktivitetar:
- Markere FN dagen 24. oktober
- Laga maske
- Dans

Desember

Tema: Jul
Aktivitetar:
- Laga julegåver og julepynt
- Høyra/lesa juleforteljingar

Januar - februar

Merknad til perioden: Vinterferie veke 9
Tema:
- Samene sin nasjonaldag
- Karneval
Aktivitetar:
- Enkel markering av samane sin nasjonaldag 6. februar
- Laga masker (øva på karneval-songen)
- Arrangera karnevalsfest (inviterar skulegruppa i barnehagen)

Mars - april

Merknad til perioden:
- 13.03.26 - Planleggingsdag > SFO er stengt.
- 01. 04.26 - Søknadsfrist sommar-SFO
Tema: Påske
- Aktivitetar:
  - Laga påskepynt
  - Bamsefest
Tema: Vår
- Aktivitetar:
  - Leik- og spelaktivitetar
  - Markera SFO dagen

Mai

Merknad til perioden: 17. mai (offentleg fridag)
Tema: 17. mai
Aktivitetar:
- Lage 17. mai-pynt
- 17.mai-leikar

Juni

Merknad til perioden: Sommar-SFO frå veke 26
Tema: Sommar
Aktivitetar: Sommarleikar

Heile året

Tema: Fysisk aktivitet
Aktivitetar:
- Aktivitetar ute og inne
- Mulig samarbeid med barnehagen i skuleferiar og på skulefrie dagar
- Turar i nærmiljøet

Måltid

SFO skal legge til rette for daglege måltid som gjev barna grunnlag for å utvikle matglede, fellesskapskjensle og gode helsevanar. Eit måltid handlar om meir enn berre å bli mett. Måltidet er ein god arena der det blir danna fellesskap mellom barn, og mellom barn og vaksne. Barna skal få tilstrekkeleg tid til å ete, og det skal vere rom for gode samtalar der alle blir inkludert. Personalet deltek difor aktivt under måltidet.

Gode rutinar for hygiene og avfallshandtering blir innarbeida frå skulestart. Me sorterar avfall og prøver å støtte opp under verdiar, haldningar og handlingar som støttar berekraftig utvikling.

Me et frukost kl 7.30 og har felles måltid kl 14.00 kvar dag. Barna har med drikkeflaske og matpakke eller har knekkebrød og pålegg på SFO. Kaldt vatn er alltid tilgjengeleg.

Dagsplan SFO

Samarbeid SFO - heim

SFO ynskjer nøgde brukarar og tett og godt samarbeid med føresette. Det er viktig for oss at dei føresette er trygge på at barna trivest på SFO. Terskelen må difor vere låg for å ta kontakt om ein lurer på noko.

Ved oppstart på SFO fyller dei føresette ut eit avtaleskjema mellom heim og SFO, dette kan endrast undervegs. Skjemaet skal hjelpe oss med å ivareta føresette sine ynskje og barna sine behov. Gjensidig utveksling av informasjon er viktig for barna sitt beste.

Innsjekk og utsjekk

Når barna kjem på SFO har me digital innskriving i “Visma tilstedeværelse”, dei blir og kryssa ut her når dei går heim. Det er difor viktig at SFO-tilsett får beskjed når barna blir henta.

Barn som ikkje kjem på SFO etter skuletid blir etterspurd, det er difor viktig å gje beskjed når barnet har fri.

Faste avtalar og beskjedar

SFO brukar “Visma tilstedeværelse”.

Føresett lastar ned appen og brukar denne til enkle beskjedar: t.d.at barnet skal ta buss, gå heim sjølv eller ha fri frå SFO. Beskjeden legg seg i SFO sitt Visma-system.

Her kan ein og legge inn faste avtalar.

Me ønskjer at foreldra gjev oss beskjed via telefon (sms eller å ringa) om det er beskjedar som skal skje på kort varsel (innanfor samme dag).

Oppskrift for beskjedar til SFO via appen “Min skole foresatte” (for beskjedar som gjeld neste dag eller lenger fram i tid):

Velg barnet sitt namn (dersom ein har fleire barn på SFO)
Gå til “SFO hus”
Trykk på Rediger/Legg til
Legg til ny beskjed og velg dato > Lagre

Søknadsprosess, endring av plass og oppseiing
Søknadsfrist er 1. mars. Ein beheld plassen til den blir sagt opp skriftleg.

Oppseiingstid er 1 månad frå den datoen du seier opp. Søknad, oppseiing og endring av plasstype skjer via “Visma Flyt skole”. Her blir ID-porten og MINID brukt for å logge inn.

SFO er stengt jule- og nyttårsafta og 5 planleggingsdagar i året, sjå skuleruta. I feriar kan det vere aktuelt å samarbeida med barnehagen.

Anna praktisk informasjon

Henting
Dersom barnet skal hentast av andre, må personalet få melding om dette. Ring eller send sms til SFO.

Klede og innesko
Me er ute kvar dag og det er difor viktig at barna alltid har klede tilgjengeleg til all slags ver. Aktive og leikande barn blir ofte våte, og bytekle må sjekkast og oppgraderast med jamne mellomrom. Barna må og ha innesko.

Private leiker/utstyr
SFO har godt utval av leiker som alle har lik tilgang til. Barna skal difor ikkje ta med eigne leiker på SFO.

Bruk av mobiltelefon og klokketelefonar er ikkje tillate
Mobiltelefon/klokketelefon må liggje avslått i hylla deira når dei er på SFO. Alle beskjedar skal gjevast til SFO-personalet.

Medisinering
Dersom eit barn har behov for medisinering i den tida det er hjå oss, skal det lagast skriftleg avtale mellom heim og SFO. Me har eigne skjema som me nyttar til dette.

Aktuelle sider no