Avtale om lån/leige av lokale ved Jondal skule

1. Det skal vera ein som er ansvarleg for lån/leige av lokale, og som dermed har hovudansvaret dersom brannalarmen vert løyst ut. Dette er avtalt på førehand.
2. Alle som er tilstades i lokalet skal vera orientert om at oppmøteplass ved ein ev. brannalarm er på kunstgrasbanen, og kor nødutgangane er.
3. Brannansvarleg orienterer seg om kor sløkkingsutstyr er i lokalet, eller nærast lokalet.
4. Dersom alarmen går: REDDA, VARSLA, SLØKKJA.
   • Alle går til kunstgrasbanen dersom alarmen går.
   • Alarmen er direkte kopla til brannvesenet i Bergen. Brannansvarleg ringer 110 og orienterer om at ein er på staden.
   • Ein kan orientera seg på branntavla ved hovudinngang om kor brannalarmen er løyst ut. Der heng det pulverapparat ein kan ta med seg
   • Ha dialog med brannvesenet om ev. vidare handsaming.

Det må gjerast avtale om henting og levering av nøkkelkort med vaktmeister. Det er låne-/leigtakar ansvar for å gjera avtale.

Ansvarleg for nøkkelkort må vera over 18 år. 

Under kjem litt informasjon om bruk av hallen, og kva som er viktig å hugse på.

Garderobe

• Utesko skal ikkje inn i garderoben. Dei skal takast av utanfor garderobedøra.
• Ein vel seg eit garderobeskap, og nyttar det til å henge frå seg klede og ev dusjutstyr. Lukkar fint att før ein går til hallen. Skap som ikkje er i bruk, skal stå opne, slik at det er lett å sjå kva som er ledig.
• Dusjing føregår som vanleg, og ein tørkar seg før ein går ut i garderoben. Då blir det ikkje vått på golvet der ein skiftar.
• Hugs å ta med deg alle eigendelane dine når du går, og at det ser fint ut etter deg.

Golvet i hallen

• Hallen har eit sportsgolv, det er ganske mjukt, og ikkje er berekna på spisse eller skarpe gjenstandar/sko
• Alle må nytte innesko, ev sokkar inne i hallen ved idretts- og gymaktivitetar.
• Det kan nyttast utesko inne ved arrangement. Pass på å tørke godt av skoa på førehand. Stiletthelar skal ikkje nyttast.
• Det kan setjast opp bord og stolar som har knotter/plastbeskyttelse.

Musikkanlegg

• Hallen har eit musikkannlegg og mikrofon som er trådlaust. For å nytta anlegget må ein vera kopla til (UK Oppvekst inntil vidare) UK gjestenett. Det har passord: Velkomm!1234. Så kan du chromecaste det du vil høyre frå telefonen din til anlegget.
• Mikrofon ligg i skuff på kantinekjøken.
• For bruk av ev miksebord, ta kontakt med skulen for ein gjennomgang.

Utstyr/lager

• Det er laga til felles lagerrom for idrettslag og skule.
• Alle har medansvar for å halde orden i utstyret, og på lageret.

Deling av hallen

• Hallen kan delast i to. Dette gjer ein ved å senke ned romdelar, bruk eigen nøkkel i liten boks på veggen mot aust. Det heng ein nøkkel i instruktørgarderobe utanfor inngangsdøra. Hugs å henge nøkkelen tilbake etter bruk.

Heise opp og ned basketballkorger

• Alle basketballkorgene kan heisast opp og ned ved bruk av eigen nøkkel i små boksar på vegg mot vest. Same nøkkel som delingsveggen.

Volleyball

• Det er lagt opp til stativ for volleyballnett. Desse heng på vegg på utstyrslageret, og skal setjast ned i hol i golvet.  Det er eit eige verktøy (sugekopp) for å få opp små luker i golvet. Verktøyet heng på vegg på lager.

Mopping etter bruk

• Glovet skal tørrmoppast etter bruk på ettermiddag. Moppar finn de på vaskerom inne på lager mot nord. Hald orden på vaskerommet.