Edinburgh metoden (EPDS): Alle får samtale og oppfølging kring kjensler under svangerskap og barseltid av jordmor og helsesjukepleiar, sjå brosjyren «Når følelsene svinger i svangerskap og barseltid – Edinburgh-metoden».
New born behavior observation (NBO) er ein metode som helsesjukepleiarane bruker i møte med foreldre og spedbarn mellom 0-3 månader. Målet er å gi foreldre auka meistringskjensle og tryggleik på at dei kan lesa og tolka signala til sitt eige barn. Du kan lesa meir om dette på: R-Bup sine nettsider.
Ages and Stages Questionnaire (ASQ) er eit kartleggingsverktøy som måler barnet si utvikling innanfor områda: kommunikasjon, grovmotorikk, finmotorikk, problemløysing og personleg/sosialt område.
Helsesjukepleiarane nyttar spørjeskjema som er tilpassa born frå 4 månadar til 5 år. Resultata av skjema vert nytta til ein strukturert samtale om barnet si utvikling, som igjen er med på å støtta og fremja barnet sin vidare utvikling. Les meir om tema på R-Bup sine nettsider.
Vi viser filmen «I trygge hender» til alle nybakte foreldre der fokus er førebygging av vald (nsf.no). Filmen forklarer den lynraske utviklinga av barnet sin hjerne og kva som kan skje med hjernen si utvikling, dersom barnet vert utsett for vald.
ADBB ( Alarm Distress Baby Scale) er ein metode for å vurdera sosialåtferd og teikn på åtferd knytt til tilbaketrekking hjå barn i alderen 0 til 2 år.
COS P er eit program for rettleiing for alle foreldre med barn i alderen 4 månader til 6 år, der målet er å styrka foreldra sin kapasitet for mentalisering og fremja trygg tilknyting til barnet.
Foreldre får gjennom rettleiing høve til å reflektera over barn sine behov. Barn utforskar verda, men har behov for å koma tett på for nærleik, trøyst og vern.