Er du ikkje nøgd med barnehagetilbodet?

Ta kontakt med dei rette

Som hovudregel bør du ta opp bekymringa eller klagen med styraren i barnehagen, først. Det er leiinga i barnehagen som er ansvarleg for at barnehagetilbodet følgjer lover og reglar. Eit godt samarbeid mellom barnehagen og heimen er viktig for alle partar, og barnehagen er pliktig til å samarbeida med alle foreldre og føresette. 

Dersom du ynskjer endringar i barnehagen eller det gjeld generelle forhold i barnehagen, kan du ta kontakt med foreldrerådet. Foreldrerådet kan ta det vidare til samarbeidsutvalet i barnehagen, som består av representantar frå både foreldre, tilsette i barnehagen og eventuelt barnehageeigar.

Dersom du ikkje når fram med klagen eller bekymringa di i barnehagen, kan du ta kontakt med sektorleiar for barnehage i kommunen. Om du ikkje når fram hjå sektorleiar, kan du ta kontakt med barnehagemynde i kommunen.