Søk om motorferdsle innan Hardangervidda nasjonalpark

Viktig om barmarksesongen

Barmarksesongen gjeld frå det er snøfritt til snøen legg seg att (ca. 15. juni - 30. november).

• Avgrens perioden: Vi ber deg om å avgrensa søknaden til den veka transporten faktisk skal skje, i staden for å søkja for heile barmarksperioden.
• Ta omsyn til villreinen: For å leggja til rette for at villreinen kan nytta Nordvestvidda til kalving og oppvekst, oppfordrar vi alle som kan om å utsetja motorferdsla til etter 1. august i områda ved Hellevass, Bjørnadalen, Kvennadalen, Litlos, Torehytta og Hadlaskard.
• Krav om jakt- eller fiskekort ved landingsløyve: Søkjer du om motorferdselløyve i statsallmenning, må du leggja ved kvittering for løyst garnfiskekort eller gyldig storviltjaktkort.

Viktig om vintersesongen

Det er oppretta eit nummerert hovudløypenett for motorferdsel. Dette vert gjort for å samla motorferdsla og handtera eventuelle stengingar av omsyn til villreinen.

Teikn inn avkøyring på kart

Når du søker om løyve må du teikna inn traseen du ynskjer å kjøra frå hovudløypa på eit kart, og leggja ved søknaden.

Løyvet ditt vert spesifisert med avkøyring frå hovudløypa etter den kortaste strekningen fram til endemålet for turen.

Sjå kart over hovudløypenettet

Krav om å registrera mobilnummer

For at ordninga  med løypenett skal fungera, må vi registrera mobilnummeret ditt slik at vi kan senda deg SMS dersom løyper vert stengde undervegs i sesongen.

• Sjekk mobilen før du køyrer: Du pliktar å sjekka mobilen din før kvar transport for å sjå om det er sendt ut melding om stengde løyper.
• Ved stenging: Dersom ei løype vert stengd, må du anten bruka ei alternativ godkjend løype eller utsetja transporten.