Ledsagerbevis

Har du behov for følgje eller assistanse for å gå på kultur- og fritidsarrangement? Då kan du søkje om ledsagerbevis.

Kven kan få tilbodet?

Ledsagerbevis er berekna for personar med sjukdom eller nedsett funksjonsevne som har behov for hjelp eller følgje for å kunna delta på arrangement.

Ledsagerbevis kan vere aktuelt for personar med:

  • Bevegelseshemming
  • Hørselshemming
  • Synshemming
  • Utviklingshemming
  • Allergiar
  • Funksjonsnedsetting som følgje av sjukdom, til dømes psykiske lidingar, hjartesjukdommar, lungesjukdommar og anna

Kva kan du få hjelp til?

Eit ledsagerbevis gjer det mogleg å ta med seg ein ledsager utan ekstra kostnader på kultur- og fritidsarrangement, transportmiddel og liknande der ordninga blir akseptert.

Praktisk informasjon:

  • Du må sjølv betale ordinær billettpris.
  • Det er den enkelte arrangøren eller tilbydaren som avgjer om dei aksepterer ledsagerbevis og kva rabatt ledsagerbeviset gir.
  • Alle som får tildelt tilskot til kultur, idrett og friluftsliv frå kommunen, må godta ordninga med ledsagerbevis på sine arrangement, jf. kommunale retningsliner.

Slik søkjer du

Du kan søkje om ledsagerbevis ved å sende inn søknadsskjema eller kontakte tildelingskontoret for rettleiing. 

Søk om ledsagerbevis

NB! Legg ved (portrett)bilete av personen som skal ha ledsagerbevis, bilete kan du ta med kamera på mobil.

Søknadsfrist

Det er ingen fast søknadsfrist, søknader blir behandla fortløpande.

Pris

Det vert ikkje kravd eigenbetaling for ledsagerbevis.

Kva skjer vidare?

Når søknaden din er mottatt, vil kommunen vurdere behovet ditt og fatte eit vedtak. Du vil få skriftleg tilbakemelding om vedtaket.

Klage

Dersom du ikkje er nøgd med vedtaket, kan du klage. Klagen skal sendast til kommunen innan fire veker etter at du har mottatt vedtaket.

Lovar og reglar

  • Ledsagerbevisordninga følgjer kommunale retningsliner for kultur- og fritidstilskot.