Dag- eller nattopphald på institusjon

Tilbod om dag- eller nattopphald på institusjon er eit viktig tiltak for å førebyggje funksjonssvikt og leggja til rette for at flest mogleg skal kunne bu heime lengst mogleg. 

Kven kan få tilbodet?

Tilbodet er for:

  • Personar som har behov for aktivisering og fellesskap.
  • Personar som har behov for dag- eller nattopphald fordi pårørande er i arbeid, på ferie eller har behov for avlasting.
  • Personar som på grunn av fysisk eller psykisk funksjonssvikt ikkje kan nytte seg av tilbod om eldresenter eller dagsenter.

Kva kan du få hjelp til?

Tenesta gir rett til:

  • Kost og losji, samt helse- og omsorgstenester som kommunen organiserer etter helse- og omsorgstjenesteloven.
  • Transport til og frå dagopphald om det er naudsynt.
  • Deltaking i aktivitetar som føregår på institusjonen.

Slik søkjer du

Du kan søkje om dag- eller nattopphald ved å sende inn søknadsskjema eller ved å kontakte tildelingskontoret.

Søk om helse- og omsorgstenester

Søknad om helse og omsorgstenester (pdf)

Papirskjema kan sendast til: 

Ullensvang kommune v/Helse og omsorg
Avdeling for Forvaltning og koordinering 
Opheimsgata 31
5750 Odda

Søknadsfrist

Det er ingen fast søknadsfrist, søknader blir behandla fortløpande.

Pris

Det blir kravd eigenbetaling per døgn, fastsett i forskrift.

Ved nokre høve kan dag- eller nattopphald bli vurdert som avlastningstiltak etter helse- og omsorgstenestelova §3-6. Då er det ikkje eigenandel på opphaldet, jfr Forskrift om eigenandel for kommunale helse-og omsorgstenester § 1 a.

Kva skjer vidare?

Når søknaden din er mottatt, vil kommunen vurdere behovet ditt og fatte eit vedtak. Du vil få skriftleg tilbakemelding om vedtaket.

Klage

Dersom du ikkje er nøgd med vedtaket, kan du klage. Klaga skal sendast til kommunen innan fire veker etter at du har mottatt vedtaket.

Lover og reglar

Tilbodet er heimla i helse- og omsorgstjenesteloven § 3-2 pkt. 6c, jf. § 3-1.