Omsorgsstønad

Kven kan få tilbodet?

Omsorgsstønad kan tildelast personar som utfører omfattande og særleg tyngande omsorgsarbeid for ein nærtståande med stort omsorgsbehov. Dette kan gjelde:

• Tenestemottakarar med omfattande omsorgsbehov på grunn av alder, funksjonshemming, sjukdom eller andre årsaker.
• Omsorgsarbeid som skjer i eigen heim.
• Situasjonar der privat omsorg blir vurdert som best eigna.
• For barn: omsorgsarbeidet må klart overstige vanleg omsorg for barn på same alder.

Følgjande kriterium vert vurderte i tildelinga (alle punkt treng ikkje vere oppfylte):

• Omsorgsarbeidet strekker seg over eit stort timetal pr. månad.
• Arbeidet er meir fysisk eller psykisk belastande enn vanleg.
• Omsorgsarbeidet inneheld mykje nattarbeid eller avbryting av nattesøvn.
• Omsorgsarbeidet har vart eller er forventa å vare i lang tid.
• Omsorgsarbeidet har ført til sosial isolasjon eller mangel på ferie og fritid.
• Omsorgsytar har ansvar for meir enn ein person.
• Omsorgsytar har omsorgsplikt (berre vaksne med barn under 18 år har omsorgsplikt).

Slik søkjer du

Du kan søkje om omsorgstønad ved å sende inn søknadsskjema eller ved å kontakte tildelingskontoret.

Søk om helse- og omsorgstenester

Søknadsfristar

Det er ingen fast søknadsfrist, søknader blir behandla fortløpande.

Prisar

Omsorgstønad er gratis, men merk at det er rekna som ei skattepliktig inntekt.

Kva skjer vidare?

Når søknaden er mottatt, vil kommunen vurdere behovet og fatte eit vedtak. Stønaden vert gitt der kommunen elles ville hatt vedtak på heimesjukepleie eller andre kommunale tenester.

Klage

Dersom du ikkje er nøgd med vedtaket, kan du klage. Klaga skal sendast til kommunen innan fire veker etter at du har mottatt vedtaket.

Lovar og reglar

• Helse- og omsorgstenestelova § 3-6