Oppseiing av husleigeavtale for leigetakar i kommunal bustad

Leigetakar kan når som helst gjennom avtaleperioden velge å seie opp leigeforholdet sitt.

Oppseiinga må skje skriftleg til utleigar, og skal sendast til Bustadkontoret (skjema sjå nedst på sida).

Oppseiingsfristen er 1 månad - jf. pkt. 3 i husleigeavtalen. 

Fristen går frå den dagen oppseiinga er kome fram til Bustadkontoret. Dette betyr at du som leigetakar er ansvarleg for husleiga i minimum 1 månad frå Bustadkontoret har motteke oppseiinga. 

Dersom du veit at tidspunkt for flytting er lengre fram i tid, kan du likevel sende inn oppseiinga til Bustadkontoret sjølv om det er meir enn 1 månad til du skal flytte. Tidspunkt for når du skal flytte fyller du inn i skjemaet for oppseiing som du finn nedst på sida.

Leigetakar er ansvarleg for husleiga ut den månaden du flyttar ut. Bustaden skal vera tømt og nedvaska, og kommunen skal ha godkjent reinhald og rydding av bustaden og nøklar skal vera innlevert.

Bustaden må vera nedvaska og tømt for eigedeler ved fråflytting. Det samme gjeld boder og uteområde som du har disponert. Utfyllande informasjon finn du i informasjonsbrev som du får tilsendt når Bustadkontoret har mottatt oppseiinga di. 

Det skal avtalast tid for utsjekk der du eller ein representant for leigetakar møter saman med ein representant for kommunen for å gå gjennom bustaden før leigeforholdet vert avslutta. Nøklar skal leverast når utsjekk er godkjent av kommunen.