Kommunen har husordensreglar som er ein del av husleigeavtalen.
Husordensreglar
Her finn du husordensreglane for kommunale bustader i kommunen. Reglane fortel om korleis vi skal oppføre oss mot bustaden og naboane. Reglane innebærer ikkje berre plikter, men skal og sikra kvar enkelt leigetakar ro og orden. Brot på husordensreglane kan føre til oppseiing av leigeavtalen og utkasting.
1. Ro og orden
Alle som bur i bustaden skal bidra til ro og orden. Leigeforholdet må ikkje vere til sjenanse for andre. Husordensreglane gjeld for leigetakar, husstand og besøkande.
2. Musikk, TV og hushaldningsapparat m.m.
Bruk av radio, TV og musikkanlegg må ikkje sjenere andre. Frå kl. 23.00 til kl. 07.00 skal det vere ro i huset, og det er ikkje tillate å bruke støvsugar, vaskemaskin, verktøy eller utøve anna støyande aktivitet.
3. Bad, wc, kraner og leidningar
Vaskeservanten på toalettet/badet må ikkje brukast til klesvask fordi trådar og lo frå tøyet kan stoppa avløpet. Leigetakar har ansvar for å halda vaskar og sluker reine og åpne for at ikkje avløpsrøyra skal tettast til. La aldri ei kran stå open når eit rom blir forlate. Alle rom kor der er vassleidningar må haldast oppvarma om vinteren slik at vatnet ikkje frys.
4. Kjæledyr m.m.
Kjæledyr er som hovudregel ikkje tillate. Ved søknad kan dyrehald unntaksvis godkjennast. Leigetakarar som har dyr må sjå til at desse ikkje er til sjenanse for andre. Ved klager vil dette kunne få konsekvenser for leigeforholdet jamfør husordensreglane § 1.
5. TV-antenner og anna teknisk utstyr
Det er ikkje tillate å setje opp TV-antenner på husets fasadar, tak eller på eigedomen for øvrig. Anna teknisk utstyr kan berre monterast på bygning eller uteområde etter skriftlig godkjenning frå Ullensvang kommune.
6. Boder
Det er ikke tillate å plassere eigne eigedelar, skrot eller avfall i gangar og trapperom eller på utendørsareal. Gjenstandar som vert plassert her kan verte kasta utan varsel. Private eigedelar skal oppbevarast i eigne merka boder. Du må ikkje bruke tomme boder som tilhøyrer andre bustader.
7. Fellesareal
Fellesrom/fellesareal må ikke nyttast til andre føremål enn det dei er bestemt for, og skal til ei kvar tid haldast reine og ryddige. Vaskerom og tørkerom nyttast i tur og orden etter nærare bestemte reglar for det enkelte hus.
- Ytre kjellardører skal alltid haldast lukka.
- Det er ikke tillate å røyke i fellesareala.
- Syklar og barnevogner kan kun setjast på anvist stad i kjellarrom eller eigen bod.
8. Brannvarslingsanlegg
I bygg som har sentralt brannvarslingsanlegg plikter leigetakar å setje seg inn i bruken av dette. Brukarrettleiing heng ved branntavle/utgangsdør.
9. Røykvarslar, brannslokkingsapparat m.m.
Det er ikkje tillate å fjerna fastmonterte røykvarslarar, brannslokkingsapparat m.m. Dette gjeld og batteri i røykvarslar.
10. Altanar
Altanar skal haldast reine og ryddige. Det er ikke tillate å oppbevare avfall og skrot på altanar. Tepper og matter skal ikkje ristast frå altan eller vindauge. Mating av fugler frå altan eller vindauge vert ikkje tillate då det kan trekke til seg skadedyr.
11. Avfall
Avfall samles i eigna pose som vert lukka og lagt i godkjent behaldar. I bustader med eigen avfallsbehaldar er leigetakarane i fellesskap ansvarlege for å levera og henta avfallsbehaldar på anvist plass på tømmedag. Leigetakarane er i fellesskap ansvarleg for reingjering av avfallsbehaldar.
Matavfall, bleier, filler og liknande skal ikkje tømast i toalettskåla. Dersom det oppstår tilstopping eller lekkasje som følge av at dette ikkje vert overhalde, vil leigetakar haldast økonomisk ansvarleg for skaden.
12. Burettslag/sameiger
Dersom bustaden høyrer til eit burettslag eller eit sameige må leigetakar gjere seg kjent med og følge husordensreglane/ vedtektene som gjeld for laget eller sameiga.
Gjeld ikkje omsorgsbustader og bufellesskap
13. Reinhald og rydding av fellesareal
Leigetakar skal sørge for reinhald av sin gang, trappeavsats og trapper ned til neste etasje. Bebuarar i 1. etg. vasker gangen ut til inngangsdør. Det bør vaskast minst 1 gong per veke.
Alle leigetakarar har ansvar for å delta i rydding og reinhald av fellesareal, herunder fjerne lausøyre og avfall frå fellesareal ute og inne.
14. Kosting, snømåking og vedlikehald av uteareal
Kosting og eventuelt snømåking av trapp og fortau framfor eigedomen skal utførast av leigetakarane i tur og orden og etter behov. Der bustaden disponerer eigen hage/ uteareal skal leigetaker sørge for at desse vert haldt vedlike.
15. Anna informasjon
Eventuelle meldingar frå kommunen ved brev, oppslag eller sms/ epost skal gjelda på same vis som husordensreglane, som er ein del av leigeavtalen.