Særleg fare for raske endringar i vassføring i området Ringedalsvatn – Tysso – Tyssedal

I samband med nødvendig vedlikehald av Oksla kraftverk i 2025 har vasstanden i Ringedalsvatn auka mot høgaste tillata reguleringshøgd. Statkraft har derfor tappa vatn frå Ringedalsvatn i august og september. Behovet for tapping vil halda fram ut oktober 2025. Vi forventar framleis raske endringar i vassføring i elva Tysso mellom Ringedalsvatn og Tyssedal.

All ferdsel langs vassdraget kan ha ein monaleg auka risiko. Vi tilrår spesielt vaksne å halda oppsyn med barn.

Ønskjer du meir informasjon om situasjonen kan du ta kontakt med Statkraft:

  • Kristin Lindvik - Kraftverkssjef
  • Hallgeir Aarbakk - Produksjonssjef
  • Statkraft Energi AS, Langåkervegen 4, 5770 Tyssedal