Søk eller sei opp plass i kulturskulen

Hovudopptak til elevplassar i kulturskulen er kvar vår, men vi tek imot påmelding heile året.

Søk plass

Søknadsfrist for hovudopptaket er 1. mai kvart år. For å melda deg eller dine born på til våre tilbod, må du søkja via SpeedAdmin (vårt administrasjonssystem).

Om du er ny må du opprette ein brukar i systemet. Når du er registrert skal du få tilsendt eit passord frå kulturskulen. Får du ikkje dette, eller har gløymt det ved eit seinare høve, ta kontakt med oss.

Søk plass

Kulturskulen følgjer skuleruta

Kulturskulen si undervisning følgjer skuleåret med nokre små skilnadar knytt til undervisningsstart/-avslutning.

Kulturskulen har same fri-, ferie- og planleggingsdagar som skulane i kommunen.

Skuleruta finn du her

Seia opp plass

Skal du seia opp plass ved kulturskulen, kan du gå via SpeedAdmin og følgje oppskrifta der. Får du ikkje til å seia opp plass, send ein e-post til kulturskulen.

Frist for å seia opp plassen for komande:

haustsemesteret 1. april
vårsemester 1. desember

Melder du deg av etter fristen, må du betale semesteravgift.

Sei opp plass

Vedtekter og retningslinjer

Vedtekter for kulturskulen

Vedtektene skal gi dei tilsette ein felles plattform for korleis ein jobbar i Ullensvang kulturskule.

Vedtekter

Ullensvang kulturskule er organisert som eigen tenestestad i Ullensvang kommune med 3 administrative tilknytningspunkt: Jondal, Utne og Odda sentrum.
Ullensvang kulturskule skal jobbe for å innfri dei overordna målsettingane og formåla gjennom:
- å vere eit kulturelt ressurssenter som legg grunnlaget for eit rikt og allsidig kulturliv i kommunen, og då med hovudvekt på følgande fagdisiplinar:
  - musikk
  - kunst & handverk
  - teater/drama
  - dans
- å gi eit variert tilbod til innbyggjarane i kommunen utan aldersbegrensingar: 0 – 100
- å ha ein dekningsgrad for 40% av grunnskuleelevane i kommunen.
- å ta vare på og bera vidare lokale kulturtradisjonar
- å utvikle samarbeidsprosjekt med: skular, barnehagar, andre kommunale institusjonar og frivillige organisasjonar. Prosjekta skal ivareta dei overordna målsettingane og kulturskulen sin integritet.
For å nå desse målsettingane, skal:
- kulturskulen ha kompetanse på høgt nivå
- kulturskulen bygge drifta på vedteke lokale planverk, samt til ei kvar tid vedteke rammeplanar for kulturskulen.
- kulturskulen tilby tilpassa undervisningsformer basert på kvalitativt god tidsbruk
- kulturskulen i størst mogleg grad drive desentralisert undervisning, så langt det er praktisk, pedagogisk og økonomisk forsvarleg.
- kulturskulen ha ein ventelistegaranti på max. 1 år.
- kulturskulen tilby sal av tenester
- kulturskulen tilby tenester til eit moderat, fornuftig sats- og prisnivå som ikkje er til hinder for brei og god deltaking frå innbyggjarane. Satsane blir vedtekne politisk.
Ullensvang kulturskule sei undervisning følger i hovudsak grunnskulen sei skulerute, men har høve til å regulere oppstart- og avslutningsdato innanfor ei ramme på 36-38 skuleveker.
Undervisningstidene blir vedtatt politisk, og er pr. dags dato tilpassa innanfor følgande rammer:
- Individuell-smågruppeundervisning: 30/40/60 minutt
- Storgruppeundervisning: 60/90/120 minutt
Elevpengar og evt. utstyrsleige/materialkostnader vert fastsett av kommunestyret i samband med handsaming av budsjettet. Avgiftene blir betalte kvart semester. Dersom ein elev vel å slutta midt i eit semester, er eleven likevel pliktig til å betala full semesteravgift. Ubetalte krav vil krevjast inn etter gjeldande retningslinjer for innkrevjing i Ullensvang kommune. Manglande betaling kan føre til oppseiing av plass.
Administrasjonen i kulturskulen kan ta standpunkt til søknader om heilt eller delvis fritak for semesteravgift.
Ullensvang kulturskule skal ha eigne lokale som er høvelege for dei ulike aktivitetane.
I dei tilfella undervisningslokala ikkje er kulturskulen sine eigne lokale, må kultur-skulelærarane ha tilgang til fysiske arbeidsplassar og ordinært utstyr for å kunne ut-føre jobben på ein forsvarleg og kvalitativ god måte.
Gjeldande reglement for bruk av lokale vil alltid ligge til grunn. Ved desentralisert undervisning, vil kulturskulen kunne nytte andre lokale etter avtale. Bruk av andre kommunale lokale/kommunalt utstyr skal vera gratis.
Ullensvang kulturskule skal drifta etter til ei kvar tid gjeldande avtalar og reglement, samt utarbeide
- retningslinjer for elevopptak
- stillingsinstruksar
- elevreglement
- lokale særavtalar
- samarbeidsavtale for sal av instruksjon
Ullensvang kulturskule skal ha eige FAU eller tilsvarande utval (sjå eige retningslinjer)
Endringar i vedtektene kan berre gjerast av kommunestyret.

Retningslinjer for opptak av elevar

Ullensvang kulturskule har rettleiande retningslinjer for å ta vare på likebehandling og behov for tilrettelegging ved tildeling av elevplassar. Retningslinjene skal balansera ulike omsyn i opptaksprosessen, og sørga for brei rekruttering og tilpassa tilgang til undervisninga.

Retningslinjer

Ullensvang kulturskule er eit frivillig kulturopplæringssenter for alle innbyggarane i kommunen. Kommunen kan gje tilbod til innbyggarar frå andre kommunar dersom særlege tilhøve seier det.
Opptak av elevar skjer etter innstilling frå skulen sin administrasjon.
- For seint innkomne søknader vert ikkje handsama ved første opptak
- Søkarar som har stått på venteliste får behalda ansienniteten sin ved nytt opptak.
- I enkelte tilfelle vil også søkarar frå andre disiplinar sei venteliste få behalda ansienniteten ved byte av disiplin.
- Søkarar med tidlegare elevstatus t.d. ved musikkbarnehage/førebuande undervising kan verta prioriterte ved opptak.
- Står søkarane elles likt, skal alder ligga til grunn for vurdering.
- Elevar som flyttar til kommunen som har hatt undervisning i andre kommunar vert prioriterte.
- Står søkarane likt etter at alle prioriteringar er gjort, vert det loddtrekning.
- Det er høve til å søka opptak på særlege vilkår. Dette vert vurdert administrativt i kulturskulen.
- Dersom ein søkar vert tildelt plass etter ordinært opptak, men av ulike grunnar ikkje ønsker å nytta plassen kan han likevel stå på venteliste til eit seinare høve.
Annonsering av elevopptak skal kunngjerast på ein tilfredstillande måte. Elevpengesatsar og fristar for påmelding skal koma fram i utlysinga. Påmelding, og likeeins utmelding, skal vera skriftleg.
Ein elev har høve til å søka permisjon. Dette kan berre innvilgast ut det skuleåret det blir søkt for. Utover dette vert eleven handsama som ny søkar. Administrasjonen i kulturskulen handsamer søknadar om permisjon.
Elevpengar og evt. utstyrsleige/materialkostnader vert fastsett av kommunestyret i samband med handsaming av budsjettet. Avgiftene blir betalte kvart semester. Dersom ein elev vel å slutta midt i eit semester, er eleven likevel pliktig til å betala full semesteravgift.
Administrasjonen i kulturskulen kan ta standpunkt til søknader om heilt eller delvis fritak for semesteravgift.

Våre prisar

Merk! Det er mogleg å leige instrument i mange av disiplinane.

Kulturskulen
Gebyr	Eining	Sats 2025
Gruppeundervisning 40 min	per semester	1 900
Gruppeundervisning 60 min	per semester	1 900
Individuell undervisning 30 min	per semester	1 900
Storgruppeundervisning	per semester	1 525
Leige av instrument	per semester	700
Ekstraundervisning 15 min	per semester	950
Utstyrsavgift, visuell kunst	per semester	700
Årstimepris, kjøp av instruksjon barn/ungdom	per år	5 500
Årstimepris, kjøp av instruksjon vaksne	per år	10 500

Våre tilbod

Austsida

Jondal

Odda m/omland

Vestsida

Aktuelle sider no

Søk eller sei opp plass i kulturskulen

Søk plass

Kulturskulen følgjer skuleruta

Seia opp plass

Vedtekter og retningslinjer

Vedtekter

Retningslinjer

Våre prisar

Våre tilbod

Kontakt oss

Skriv til oss

Besøk oss

Snakk med oss